Asteazkenean itxi zuten izen ematea Andatza Mendizaleen Kirol Taldekoek, iganderako antolatu duten txangorako. 20 kilometroko bidea osatzea proposatzen diete mendizaleei. Uharte Arakil-Goldaraz oinez lotuko dute urriaren 18an.
Apuntatu diren mendizaleek igande goizeko 07:00etarako Oiardo Kiroldegira gerturatu beharko dute. Autobusez egingo dute joan etorria. Janaria norberak eraman beharko du, edaria antolatzaileen esku.
Gogoan izan, urriaren 18ko irteeran eta Andatza M.K.T.-k urtean zehar antolaturikoetan parte hartzeko, "derrigorrezkoa da mendiko federatua izatea eta aseguru txartela indarrean edukitzea. Federatu gabe dagoenari tramitea egingo zaio, hala nahi badu. Hartuemanetarako: andatza@hotmail.com".
Informazio gehiago: andatzamendizale.info
