Finala, abenduaren 19an
Larunbateko saiorako sarrerak salgai dituzue bertsosarrerak.eus atarian. Baita final handirako ere. Finalaz ari garela, Espainiako Gorteetarako hauteskundeak abenduaren 20rako deitu dituzte. Gipuzkoako Bertsolari Txapelketako azken saioa ere egun horretarako antolatua zegoen.
Hauteskundeak tarteko ordea, Bertsozale Elkarteak abenduaren 19ra aurreratu du final handia. Ordua eta lekua, bere horretan mantenduko dira; 17:00etan hasiko Gipuzkoako txapelduna erabakiko duen saioa, Donostiako Illunben. 8 bertsolari bilduko dituen finaleko sarrerak bertsosarrerak.eus atarian eta Gipuzkoan zehar hainbat guneetan egongo dira salgai, azaroaren 20ra arte. Usurbildik gertuen; Lasarteko Jalgi, Hernaniko Tripontzi eta Andoaingo Ganbara tabernetan. Edota Donostiako Hontza eta Andoaingo Ernaitza liburu dendetan. Prezioak: gaztetxoen sarrerak 10 eurotan, Bertsozale Elkarteko bazkideenak 15 eurotan eta gainerakoena 20 eurotan eskuratu ahalko dira.
Informazio gehiago: bertsozale.eus
Final laurdenetarako sailkatu diren bertsolariak
Jokin Uranga Isuskiza |
Jon Maia Soria |
Ane Labaka Mayoz |
Arkaitz Oiartzabal Agirre Xamoa" |
Nerea Elustondo Plazaola |
Felix Zubia Olaskoaga |
Asier Azpiroz Iztueta |
Manu Goiogana Bengoetxea |
Iñigo Mantzizidor Larrañaga "Mantxi" |
Nahikari Gabilondo Mendizabal |
Beñat Lizaso Alberdi |
Ander Lizarralde Jimeno |
Unai Mendizabal Jauregi |
Oihana Iguaran Barandiaran |
Unai Gaztelumendi Arandia |
Eneritz Artetxe Eizagirre |
Amaia Iturriotz Etxaniz |
Beñat Iguaran Amodarain |
Eli Pagola Apezetxea |
Iñaki Gurrutxaga Zubimendi |
Manex Mujika Amunarriz |
Maider Arregi Markuleta |
Mikel Artola Izagirre |
Bertsolari talde honi, duela lau urteko txapelketan eskuraturiko postuari esker, aurrez sailkatuta zeuden beste zazpi bertsolarik batuko zaizkio: Agin Laburu, Jexux Mari Irazu, Beñat Gaztelumendi, Jon Martin, Alaia Martin, Iñaki Apalategi, eta Unai Agirre.