Urriaren 24a, Liburutegiaren Eguna, Usurbilgo Sutegi Udal Liburutegian Liburutegiak (eta Liburuzainak) literaturan eta zineman ERAKUSKETA abian jarriz, zeinak Azaroaren 7a bitarte iraungo baitu, eta goxoak dastatuz ospatu genuen:
Urriaren 28an, ipuin kontaketa Miriam Mendozarekin (4 urteko neska-mutilentzat): Zein ederki pasa genuen!
Urriaren 29an, Garazi Kamiorekin bere Orube abandonatuak liburuaz jardun genuen: kontakizunaren estrukturaz (hiru istorio, zatika emanak), gaien aukeraketaz (hirurak ere, gogorrak), narrazioek amankomunean dutenaz (abandonua, espazio fisikoa...), estilo laburraz (eta biziaz), irakurleari pentsarazten dioten amaierez...; guztia, gailetak janez eta giro ederrean.
