Garaian garaiko produktuen kontsumoa sustatzearen aldeko apustua egiten segitzen du Hurbilago Elkarteak, Tipi-Tapa egitasmoaren bidez. Denboraldi honetan ordea, gogoan izan; ohi bezala hilero, baina bigarren igandeetan. Azaroaren 8an, bost egun barru ospatuko da beraz, hurrengo edizioa. Tabernariek era desberdinetara prestatuko dituzten brotxetak hautatu dituzte pintxo berezietarako.
Tipi-Tapa bakoitzeko 2 sari
Orain arte bezala pintxo berezia eta edaria 2 euroren truke dastatu ahalko da. Probatzen duzuen zizka-mizka bakoitzeko zigilua lortu tabernetan eta parte hartu, Tipi-Tapa amaierako zozketan. Datorrena, azaroaren 8an egingo da, 15:00etan. Aurreko denboraldian bezala, bi sari zozketatuko dituzte:
1. saria: 150 euroko erosketa balea.
2. saria: 2 lagunentzako afaria Bordatxon.
Antolatzailea: Hurbilago Usurbilgo Merkatari eta Ostalarien Elkartea.
Babeslea: Usurbilgo Udala.
