Igande honetan, abenduaren 20an ospatuko dugun Santo Tomas Azokako txapelketetan izen emateko azken egunak dituzue honako hauek. Ostegunera arteko epea dute beraz, babarrun eta sagardo txapelketetan parte hartu nahi duten Usurbil, Aginaga eta Zubietako ekoizleek, NOAUA!ra aipatu jaki edo edaria ekarri eta apuntatzeko.
Izen ematea
Abenduaren 9tik 17ra, NOAUA!ko egoitzan. Ordutegia: astelehenetik ostiralera, 10:00-14:00/16:00-19:00. Informazio gehiago: 943 360 321.
Sariak:
1. Sarituarentzat: 150 euro+txapela.
2. Sarituarentzat: 90 euro+kopa.
3. Sarituarentzat: 50 euro.
Sagardo lehiaketa
Partaide bakoitzak 8 botila ekarri beharko ditu, eta botila bakoitzeko 1,5 euro ordainduko zaio.
Oharra: sagardotegiek ezingo dute parte hartu.
Babarrun lehiaketa
Partaide bakoitzak kilo bat babarrun ekarri behar du eta 12 euro ordainduko zaio.
Ezaugarri hauek hartuko dira kontuan:
-Itxura: osorik edo hautsita dagoen, zimurrak...
-Kolorea: zenbat eta beltzagoa orduan eta hobeagoa.
-Berdintasuna: tamainaz, kolorez... elkarren berdinak izatea.
-Dizdira: berezko dizdira beste edozein produkturekin (olio, abrilantadore...) estali edo aldatua izaten bada lehiaketatik kanpo geratuko da.
-Garbitasuna: partikula arrotzik ez izatea.
