Zehazki, 23.110 euroko diru-laguntza emango dio Gipuzkoako Foru Aldundiak Usurbilgo Udalari, Kalezarren kokatua dagoen Puntapax Eguneko Zentroa handitzeko, 6 plaza berri sortzeko. Aldundiak adinekoen zein desgaitasuna duten herritarren Gipuzkoako zentro ezberdinetara bideratuko dituen 912.000 euroko diru partidaren baitan kokatzen da Eguneko Zentroak jasoko duen laguntza.
Ia milioi bat euroko inbertsioa, helburu argi batekin onartu berri du Diputatuen Kontseiluak; mota honetako zentroen instalakuntzak hobetu nahi dituzte, guneotan plaza berriak sortzeaz gain. Honela banatu dute 912.000 euroko laguntza:
-Oreretako Sanmarkosenea egoitza: 525.000 euro.
-Eskoriatzako Nuestra Señora de las Mercedes egoitza: 75.000 euro.
-Donostiako Gautena elkartea: 90.000 euro.
-Oiartzungo Petra Lekuona egoitza: 70.000 euro.
-Goyeneche fundazioa: 50.000 euro.
-Usurbilgo Eguneko Zentroa: 23.110 euro.
-Donostiako Gurutze Gorria: 78.890 euro.
