Azken klase eguna dute ostiral honetan, Aginagako Eskolan eta Udarregi Ikastolan. Gabonetako kantu eta txistor jan artean agurtuko dute 2015-16 ikasturteko lehen hiruhilekoa. Astelehenean, Zubietako Eskolakoen txanda izango da. Honatx iragarri dituzten ekitaldiak. Baita Santo Tomas egunari begira ostiral honetarako Artzabalen eta Santuenean iragarri dituzten ekimenak ere:
Abenduak 18, ostirala
Aginagako Eskolan:
Goizean zehar, Aginagako Eskolakoak kantuan kalejiran ibiliko dira, Aginagatik barrena.
Udarregi Ikastolan:
09:30-10:50 LH eta DBH-koen gabon kanta saioa:
-LHkoen ibilbidea: "Agerialdetik ikastola gorrira, Haur Eskolara, Kale Zaharreko plazara, aldapatik jaitsi eta Eroskiko biribilgunera, Zubiaurrenea kaletik Bordatxoko biribilgunera eta handik ikastolara".
-DBHkoen ibilbidea: "Eraikin gorritik Mikel Laboa plazara, beheko botikako plazara, Artzabalera eta handik ikastolara".
11:25 HH-ko haurren gabonetako kantu saioa. Ibilbidea: "Agerialdetik abiatu eta ikastola gorrira, han lehen geldialdia. Ondoren biribilgunean, Olentzeroren aurrean eta azken geldiunea frontoian izango da. Bertan, ikasitako gabon kanta guztiak gerturatzen garenok elkarrekin abestuko ditugu".
17:00 Olentzero eta Mari Domingiren etorrera Haur Eskolako 2-3 urteko geletara.
Ondoren, jolastokian haur, hezitzaile, guraso eta herritarrak elkartu eta gabon kantak abestuz kalejira frontoira.
18:15ak aldera, frontoira iristea. Haur Eskolakoentzako askaria, musikak girotua; pintxo eta sagardo dastaketa.
17:30 Santo Tomas festa Santuenean: "Magiklow" emanaldia, gabonetako lehiaketako sariketa eta otarren zozketa, txistor jana. Antolatzailea: Santuenea Elkartea.
18:00 Txistor jana eta 12 loteren zozketa Gure Pakeako bazkideentzat Artzabalen. Antolatzailea: Gure Pakea Elkartea.
Abenduak 21, astelehena: San Tomas Festa Zubietan
Goizean zehar, Santo Tomas Festa Zubietako Eskolan: gabonetako kantu emanaldia eta musikak giroturiko txistor jana.
Antolatzailea: Zubietako Eskola.
