Hurbilago Elkarteko establezimenduetan edo hurbilago.com atarian sartuta doan apuntatu zaitezkete, herriko merkataritza eta ostalaritza sustatzearen alde, abenduaren 31n ospatuko den herri lasterketarako. 6. Hurbilago San Silvestre, Urtezahar egunez, arratsaldeko 17:00etan abiatuko da Mikel Laboa plazatik. Partaideek bi itzuli eman beharko dizkiote, tokiko merkataritzaren egoitza dugun herri erdiguneari. Guztira 4 kilometro luze izango dituen lasterketaren helmuga frontoian kokatuko da.
Gabonetako Zozketa
Lasterketa amaieran, hainbat sari zozketatuko dira; tartean, egunotan Sutegin ikusgai dituzuen Hurbilagoren Gabonetako Zozketako opari potoloak. Zozketa honetan parte hartzeko, egin erosketak Hurbilago Elkarteko saltokietan. Trukean, ekimen honetan parte hartzeko txartelak jasoko dituzue. Zorte on!