Oporretako azken txanpan dira haur eta gaztetxoak. Honako hauek azken egunak dituzte, eguberriotan antolatu diren ekintzetan parte hartzeko. Astelehen honetan, Gaztelekutik Urdaiagara irteera antolatu dute DBH3 taldekoekin. Eguerdiko 12:00etan dira abiatzekoak. Ekintza honekin borobilduko dute, azken asteotarako antolatu dituzten ekimenak. Besteak beste, Txuri Urdinera joan dira, baita ETB-ko "Gu ta gutarrak" saioa ikustera ere. Bazkari elegantea ospatu dute, Santo Tomas Festarekin batera.
Ixabel Agirresarobe Santuenean
Gaztelekuak antolaturiko hitzorduaz gain, arratsaldeko 17:00tik aurrera, Ixabel Agirresarobe kontu kontari ariko da, Santueneko ludotekan. Ipuin kontaketa saioaren ostean gainera, txokolate gozoa dastatzeko aukera izango da bertan.