Bazterrak gogor astinduko omen ditu haizeak, hala dio Euskalmet meteorologia agentziak, astebururako egin duen iragarpenean. Abisu horian egongo gara larunbat eguerdiko 12:00tik aurrera. 100 kilometro orduko haize boladak izan ditzakegu. Okerrera egingo omen du egoerak etzi. Alerta laranja ezarri dute igande iluntzerako, 120-130 kilometro orduko haize boladak izan ditzakegulakoan. Honatx, abisu eta alerten inguruan Euskalmet-ek plazaratu berri dituen oharrak:
Urtarrilak 9, larunbata
12:00-00:00 Abisu horia: haizeguneetan eta mendebaldean bereziki, 100 kilometro ordutik gorako haize boladak. Haizeguneak ez diren tokietan, 60-70 kilometro ordukoak.
Urtarrilak 10, igandea
00:00-21:00 Abisu horia haizeguneetan: 100 kilometro orduko haize boladak. 60-70 kilometro ordukoak haizeguneak ez diren tokietan.
18:00-21:00 Abisu horia haizeguneak ez diren tokietan: 80-90 kilometro orduko haize boladak.
21:00etik aurrera alerta laranja: haizeguneetan, 120-130 kilometro orduko haize-boladak izateko arriskua. Haizeguneak ez diren tokietan, 100 kilometro ordutik gorakoak.
Informazio eguneratua: euskalmet.net