Zurekin ostalari elkarteak antolaturiko Sagardo Eguna larunbatean Zarautzen. Usurbil aldeko zaporea izango da aurtengoan ere. Hitzorduan parte hartuko duten zortzi ekoizleetatik 3 herrikoak baititugu; Urdaira, Aginaga eta Saizar sagardotegiak hain zuzen. Postuen eskaintza, Aburuza (Aduna), Izeta (Aia), Lizeaga (Astigarraga), Petritegi (Astigarraga) eta Satxota (Aia) sagardotegiek osatuko dute.
Bakoitzak 5-6 sagardo kaxa eramango ditu, 70 bat botila guztira. Zarauzko Musika Plazara bertaratzen denak, 5 euro ordaindu eta trukean sagardoa doan edateko edalontzia eta Euskal Okela etxeko txuleta pintxoa eskuratu ahalko du. Zarauzko Sagardo Eguna, Goizeko Ihintza txistulariek eta Motxian bertso eskolako kideek girotuko dute.