Usurbilgo Udalak finkatua zuen epearen baitan erreklamaziorik egon ez denez, automatikoki behin betiko onartuak geratu dira 2016. urterako udal aurrekontuak, asteazken honetako Gipuzkoako Aldizkari Ofizialak argitara eman duenez. Ondoko zenbakiotan ikus daitekeenez, guztira 10.705.129 euro izango ditu Usurbilgo Udalak, aurtengorako aurreikusiak duten egitasmoetarako:
2016ko udal aurrekontuak
Sarreren egoera (eurotan)
-Zuzeneko zergak: 2.859.200.
-Zeharkako zergak: 454.000.
-Tasak eta bestelako sarrerak: 2.034.145.
-Transferentzia arruntak: 4.859.957.
-Ondarezko sarrerak: 21.500.
-Inbertsio errealak besterenganatzea: 476.327.
Guztira: 10.705.129.
Gastuen egoera (eurotan)
-Pertsonal gastuak: 3.755.922.
-Ondasun arrunten erosketa: 4.721.675.
-Finantza gastuak: 30.000.
-Transferentzia arruntak: 775.508.
-Inbertsio errealak: 990.422.
-Kapital transferentziak: 91.602.
-Pasibo finantzarioak: 340.000.
Guztira: 10.705.129.
Plantilla Organikoa ere, behin betiko onartua
Normalean, udal aurrekontuekin batera bideratzen da udal Plantilla Organikoa eta Lanpostuen Zerrenda. 2016koa, hasieraz onartua zegoen. Aurrekontuekin gertatu bezala, jendaurrean egon den 15 eguneko tartean inork ez du erreklamaziorik aurkeztu eta behin betiko onartua geratua da.
