Otsailaren 29ra arte zabalik dute herri eragileek, 2016an zehar ekimenak antolatzeko udal diru-laguntzak eskatzeko deialdia, bai kultur, kirol zein gizarte ongizate eremuetan. Ingurumen eta nekazaritza zein abeltzaintza arloetarako diru-laguntzak banatuko ditu baita, Usurbilgo Udalak. Baina kasu honetan, 2015eko urtarrilaren 1etik 2016ko otsailaren 5era arte gauzaturiko egitasmoentzako izango da.
Tokiko Gobernu Batzarrak otsailaren 1ean onartu zituen diru-laguntzok. Gobernu taldetik berri eman digutenez, guztira 300.000 euroko partida erreserbatu du laguntzotarako 2016ko udal aurrekontuetan. Hain zuzen, herritarra eta herri bizitza jarri nahi izan dute aurrekontuon erdigunean.
Segidan datozen esteka hauetan duzue, diru-laguntzon helburu, onuradun eta zenbatekoen berri:
Laguntza maila altua
Kultur arloko udal diru-laguntzei dagokienez, irizpideok finkatu ditu Udalak:
-Ikastaroak: gehienez %60a lagunduko dira diruz. "Ikastaroko parte-hartzaile bakoitzeko udalak emango duen gehienezko diru-kopurua 100 eurokoa izango da. Parte-hartzaileen diru-sarrera izan behar dute".
-Irteerak: "gehienez ere, udalari eskatutako diru-laguntzaren %10ekoa izango da".
-Kanpamendu, udako ekintza, txokoak: "gehienez ere, udalari eskatutako diru-laguntzaren %60a emango da. Derrigorrez, parte-hartzaileen diru-sarrera izan behar dute".
-Gainerako kultur ekintzak: gehienez ere, udalari eskatutako diru-laguntzaren %95a jasoko da. "Ekintza baterako 2500 euro baino gehiagoko diru-laguntza eskatzen denean, udalak beste era bateko irizpideak erabili ditzake: ekintza bera (helburua, kalitatea, originaltasuna, herria nabarmentzea, genero ikuspegia), norentzakoa (eragina gizartean, kolektibo bereziei zuzendua egotea), parte hartzea bultzatzea, finantziazio iturriak".
Oharra: diru-laguntza onartutakoan, %75a emango da. Gainerako %25a, justifikatu ondoren, "beranduenera 2017ko urtarrileko azkeneko Tokiko Gobernu Batzarrak onartu beharko du".
Diru-laguntza guztion oinarriak, otsailaren 5eko
Gipuzkoako Aldizkari Ofizialak dakartza.