Zubietan plazatik, eta Usurbilen frontoitik herritar zutabe bana abiatuko da igande goizeko 11:00etan, errausketaren aurkako martxara. Beste hainbeste egingo dute Zizurkil, Andoain, Hernani, Lasarte edota Añorga Txikitik. Parte hartzaileen elkargune nagusiak, Lasarte eta Zubieta izango dira. Antolatzaileek ohar bidez argitu nahi izan dutenez, Errausketaren Aurkako Mugimenduak deituriko "Zubietako martxa egin egingo da". Herri guztietako hitzorduak bere horretan mantentzen dira.
"Hori bai, eguraldia dela eta, Letabiden (erraustegia eraiki nahi duten lekuan) nekez egin ahal izango dugu egin nahi genuen ekitaldia. Hori ikusirik, martxaren bukaera gisa Zubietako frontoian 13.00etan aurreikusita genuen ekitaldia erreferentziazko ekitaldi edo ekitaldi nagusi izatera pasatuko da. Beraz, erraustegiaren kontra dauden guztiek, martxan parte hartu ala ez, bihar hitzordu bat dute Zubietako frontoian, 13:00etan", antolatzaileek argitu dutenez.
Honenbestez:
Otsailak 28, igandea
Abiatzeko hitzorduak
08:00 Zizurkilen, plazatik.
08:30 Hernanin, Gudarien Plazatik.
09:30 Añorga Txikitik.
10:30 Lasarte-Orian, Okendo plazatik.
11:00 Usurbilen, frontoitik.
11:00 Zubietan, frontoitik.
Herritar zutabeen hitzordu bateratua
12:00 Zero puntuan.
Amaiera
13:00 Zubietako frontoian.
Deitzailea: Errausketaren Aurkako Mugimendua.