Euskadiko txapeldun amaitu eta gainera, Espainiako fasea jokatzeko sailkatu daitezke. Denboraldiko une ezin interesgarriagoan dira Usurbil Kirol Elkarteko jubenil nesken taldekoak. Usurbil K.E.-etik berri ematen diguten moduan, “bigarren fasean partida bat ere galdu gabe”, Euskadiko Txapeketako lau onenen artean sailkatu da jubenil nesken taldea. Amaiera fasea jokatzeko hain zuzen. Sektorea, apirilaren 8, 9 eta 10eko asteburuan izango dute Ermuan. Errotabarri (Ermua), Aiala ZKE (Zarautz) eta GF Zuazo (Barakaldo) izango dituzte aurkari. Lehen bi postuetan amaitzen duten taldeek, Espainiako txapelketarako sailkatuko dira. Honatx orain arte jokaturiko neurketan ostean, nola geratu den sailkapena:
1-Errotabarri.
2-Usurbil K.E.
3-Bera Bera
4-Basauri
Apilaren 8tik 10erako asteburuan jokatuko dute Usurbil Kirol Elkarteko jubenil nesken taldekoek, Euskadiko Txapelketako amaiera fasea Ermuan. Astearte iluntzean egin zen zozketan, honela geratu da neurketen hurrenkera:
-Apirilak 8, ostirala:
Aiala ZKE-Usurbil K.E.
Errotabarri-GF Zuazo
-Apirilak 9, larunbata:
Errotabarri-Usurbil K.E.
GF Zuazo-Aiala ZKE
-Apirilak 10, igandea:
Usurbil K.E.-GF Zuazo
Aiala ZKE-Errotabarri
Mikel Alzaga, selekzioetako hautatzaile-laguntzaile
Jubenil nesken taldeko entrenatzailea, Gipuzkoako eta Euskadiko kadete nesken selekzioetako hautatzaile-laguntzailea izendatu dute, Usurbil K.E.-etik berri eman dutenez.
Kadete mutilak, sektorerako sailkatzear
Hala egon dira. Asteburuan ordea, 33-30 galdu zuten Ereintzaren aurka. Neurketa hau irabazi izan balute, Euskadiko 4 talde onenen artean sailkatuak egongo ziren eta jubenil nesken antzera, apirilaren 8ko asteburuan fase amaierako sektorea jokatuko zuten.
Estitxu Berasategi, jubenil nesken Espainiako Selekziora
Aipatu eskubaloi selekzioak, martxoaren 18tik 23ra Guadalajaran egingo duen kontzentrazioan parte hartzera deitu dute Estitxu Berasategi Eizagirre, Usurbil K.E.-ko jokalaria.
XV. Hondarribiko Eskubaloi Txapelketa
Martxoaren 27an ospatuko da. “Txapelketa horretan Txingudi, Gipuzkoa, Bizkaia eta Nafarroako selekzioek hartuko dute parte”, berri eman dute Usurbil K.E.-tik. Tartean herriko eskubaloi jokalariek. Hitzordu horri begirako azken prestakuntza saioak izango dituzte asteburu honetan, infantil neska-mutilen selekzioek.
Eskubaloia Kiroldegian
Martxoak 19, larunbata
09:30 Alebin mutilak, Buruntzaldea: Udarregi 5C-Urnieta 5A
09:30 Alebin mutilak, Buruntzaldea: Udarregi 5A-Urnieta 5C
10:30 Alebin mutilak, Buruntzaldea: Udarregi 6B-Urnieta 6C
10:30 Alebin mutilak, Buruntzaldea: Udarregi 6C-Udarregi 6A
11:30 Infantil neskak, Gipuzkoako Txapelketa: Udarregi A Usurbil-Aiala C ZKE
12:45 Infantil mutilak, Gipuzkoako Txapelketa: Udarregi A Usurbil-Amenabar C ZKE
16:00 Alebin mutilak, Errendimendua (lagunartekoa): Usurbil K.E.-Anaitasuna
17:00 Alebin neskak, Errendimendua (lagunartekoa): Usurbil K.E.-Anaitasuna
18:30 Senior mutilak, 1. Nazionala: Ucin Aluminio Usurbil-Anaitasuna
Martxoak 20, igandea
12:00 Alebin neskak, Errendimendua, Gipuzkoako Txapelketa: Usurbil K.E.-Zarautz A ZKE
Eskubaloia, Selekzioa
Martxoak 19, larunbata
15:30 Gipuzkoako infantil nesken selekzioaren entrenamendu saioa, Donostiako Bidebieta Kiroldegian: Usurbil K.E.-ko Aitana Davila jokalaria deitu dute hitzordura.
Martxoak 20, igandea
10:00 Gipuzkoako infantil mutilen selekzioaren entrenamendu saioa, Donostiako La Salle Kiroldegian. Usurbil K.E.-ko kide Julen Lejardi eta Eneko Furundarena deitu dituzte hitzordura.
10:30 Jubenil mutilen Gipuzkoako Selekzioaren entrenamendu saioa, Zumarragako Ispilla Kiroldegian: Usurbil K.E.-ko jokalari Jokin Azpeitia deitu dute hitzordura.
