Sagarrondotik Sagardora zikloko hurrengo hitzordua edota KzGunearen trebatze saio berriak dakartza, ate joka dugun apirilak. Baita Oiardo Kiroldegitik helarazi diguten ikastaro interesgarri bat ere; "Nordic Walking" edo Ipar Martxa delakoa.
"Nordic Walking" edo Ipar Martxa, apirilaren 16an
Oiardo Kiroldegiak antolaturiko ikastaroa oinarrizkoa izango da. Apirilaren 16rako antolatu dute, larunbat goizez beraz, 10:00-13:00 artean."Ibiltzeko eta kirola egiteko modu ezberdin bat da. Bi makilen laguntzaz praktikatzen da, ALFA izeneko teknika erabiliz, erritmoa du eta gorputzeko hainbat atal lantzen dira: hankak, besoak, bizkarhezurra, enborra... Eta gainera, ingurunearekin bat egiten duzu!", berri eman dute antolatzaileek.
Ikastarorako izena, Oiardo Kiroldegian eman beharko da. Prezioa: 15 euro bazkideek, 30 euro bazkide ez direnek. Makilak 5 eurotan alokatuko dira. Argibide gehiagorako: 943 372 498.
KzGunea , apirileko ikastaroak
Jai egunon ostean, asteazkenean, martxoaren 30ean irekiko dute berriz Usurbilgo KzGunea; martxoaren 30ean eta 31n, arratsaldez, 16:00-20:00 artean, eta apirilaren 1etik aurrera, goizez, 09:00-13:00 artean. Segidan, aurreikusiak dituzten hurrengo ikastaroak:
-Apirilak 4-15, 09:00-11:00: "Ofimatika tresnak: Libre Office".
-Apirilak 18-29, 09:00-11:00: "Oinarrizko Interneta. Nabigatzen eta posta elektronikoak bidaltzen ikasi".
-Maiatzak 2-11, 16:00-18:00: "Komunikatu zaitez Sare Sozialen bitartez".
-Maiatzak 12-23, 16:00-18:00: "Google aplikazioak zure kudeaketa pertsonalerako".
-Maiatzak 24, 16:00-18:00 "Youtube: Bideoak ikustea baino gehiago".
Informazio gehiago: 943 023 684 / tutor.usurbil@kzgunea.net edo kzgunea.eus
Sagarrondotik Sagardora zikloa
Alkartasuna Nekazal Kooperatibak antolaturiko ikastaro zikloko hurrengo saioa, apirilaren 30ean, 09:00-13:00 artean Potxoenean. Gaia: "Landareen bizimodua. Ilargiaren eragina". Xabier Akizuk eta Jakoba Errekondok bideratuko dute saioa. Informazio gehiagorako eta izen emateko:
943 361 114
alkartasuna@usurbil.com
Antolatzailea: Alkartasuna Kooperatiba.