Usurbil Kirol Elkartetik berri eman digutenez, 20-25 irabazi dio jubenil nesken taldeak Aiala ZKE taldeari, gaurtik Ermuan jokatzen ari diren Euskadiko Txapelketako azken faseko lehen neurketa. Zorionak! Larunbatean dute bigarren hitzordua, 18:30etan Ermuan baita, etxekoen, Errotabarrikoen aurka. Usurbildarrek bezala, Errotabarri taldekoek ere aurkariari irabazita hasi dute igandera arte luzatuko den fasea.
Jubenil nesken taldeari eginiko elkarrizketa
Euskadiko Txapelketako amaiera fasea Ermuan
Apirilak 8, ostirala
18:00 Aiala ZKE 20-25 Usurbil K.E.
19:45 Errotabarri 26-22 GF Zuazo
Apirilak 9, larunbata
16:45 GF Zuazo-Aiala ZKE
18:30 Errotabarri-Usurbil K.E.
Apirilak 10, igandea
10:00 Usurbil K.E.-GF Zuazo
12:00 Aiala ZKE-Errotabarri
14:00 Sari banaketa.
Espainiako Txapelketa
Eta Usurbil K.E.-ko jubenil nesken taldea asteburuko fasean, Espainiako Txapelketa jokatzeko sailkatu daiteke. Hala gertatuko balitz, honatx Usurbil K.E.-tik berri eman dutenez, noiz eta non jokatuko duten aipatu txapelketa, lehen hiru postuetan sailkatzen badira:
Noiz: apirilaren 22tik 24ra.
Usurbil K.E., Euskadiko Txapelketako azken fasean lehen postuan sailkatuko balitz:
Jokatuko duten sektorea: "E".
Jokalekua: Pozuelo de Calatrava (Ciudad Real).
Aurkariak: C. Pozuelo de Calatrava (Gaztela Mantxako lehen sailkatua), BM. Nazareno (Andaluziako laugarren sailkatua), eta EMD Aceuchal (Extremadurako lehen talde sailkatua).
Usurbil K.E., Euskadiko Txapelketako azken fasean bigarren postuan sailkatuko balitz:
Jokatuko duten sektorea: "B".
Jokalekua: Sant Vicenç del Horts (Bartzelona).
Aurkariak: E.H. Sant Vicenç (Kataluniako lehen talde sailkatua), Knet Calasancio (Errioxako lehen talde sailkatua) eta Malkaitz Eskubaloia (Nafarroako lehen talde sailkatua).
Usurbil K.E., Euskadiko Txapelketako azken fasean hirugarren postuan sailkatuko balitz:
Jokatuko duten sektorea: "A".
Jokalekua: Vigo (Pontevedra).
Aurkariak: A.D. Carballal (Galiziako lehen talde sailkatua), Cleba Leon (Gaztela Leongo bigarren talde sailkatua) eta Balonmano Gijon (Asturiaseko lehen talde sailkatua).
