Bitik bi neurketa irabazita. Okerrik ez bada, Euskadiko Txapelketako lehen bi postuetan sailkatzeko arazo handiegirik ez dute izango Usurbil Kirol Elkarteko senior neskek. Eta oraindik hirugarren jardunaldia falta. Euskadiko Txapelketako azken fasea jokatzen ari dira asteburu honetan, Oiardo Kiroldegian. Larunbat honetan zuten bigarren neurketa. Eta ostiralekoan bezala, galtzen hasi eta bost puntuko aldearekin irabazi dute Zuazoren aurkako neurketa etxekoek. Zorionak!
Harmailak goraino bete dira gaur ere. Senior neskek, publikoaren babes osoa jaso dute. Eta txalo zaparrada eta zoriontzeko besarkada mordoa, neurketa amaitu denean. Baina jai giroa, igande eguerdi honetan lehertuko da. Hirugarren eta azken jardunaldi amaieran. Senior neskak Euskadiko txapeldun amaitu dezakete asteburua, eta Zilarrezko Ohorezko Mailara igotzeko fasea jokatzeko sailkatuta:
Senior nesken Euskadiko Txapelketako azken fasea Usurbilen
Apirilak 15, ostirala
18:30 GF Zuazo 22-19 Indupime Basauri
20:15 Bera Bera 27-31 Usurbil K.E.
Apirilak 16, larunbata
17:45 Indupime Basauri 18- 17 Bera Bera
19:30 GF Zuazo 24 -29 Usurbil K.E.
Apirilak 17, igandea
10:00 Bera Bera-GF Zuazo
11:45 Usurbil K.E.-Indupime Basauri
13:00 Sari banaketa.
Tokia: Oiardo Kiroldegia.
