2015-16 ikasturtea azken txanpara gerturatzen ari den honetan, datorrenean pentsatzen hasteko garaia izango da askorentzat. Ikasten jarraitzekotan zer ikasi, non... Zalantza guztiak argitzen laguntzera datoz, asteotarako Lanbide Eskolan antolatu dituzten ate irekien egunak.
Irailetik aurrera Lanbide Eskolan ikasten hasi nahi duenarentzako ate irekien egunak antolatu dituzte aste honetan. Larunbatean izan zuten lehen saioa. Beste bi hitzorduak, aste honetarako deitu dituzte; bat, asteazken honetarako, bestea larunbaterako, maiatzaren 11 eta 14rako hurrenez hurren. Instalakuntzak ezagutzeko bisita gidatua egin eta hezkuntza proiektua aurkeztuko da. Erdi eta goi mailako ziklook eskaintzen dituzte Zubietan: administrazioa, elektrizitate-elektronika, fabrikazio mekanikoa, energia eta ura. Aurrematrikulazioa ekainaren 6tik 17ra izango da. Informazio gehiago:
eskola@lhusurbil.eus
943 364 600
Ate irekien egunak
Maiatzak 11, asteazkena
18:00-20:00 Lanbide Eskolan.
Maiatzak 14, larunbata
11:00-13:00 Lanbide Eskolan.
Aurrematrikulazioa Institutuan
2016-17 ikasturtera begira dira baita Lasarte-Usurbil Institutuan. DBH eta Batxilerra eskaintzen duten ikastetxean zabalik izango dute aurrematrikulazio epea ostegun honetara arte, maiatzaren 12ra arte. Argibide gehiagorako:
lasarte-bhi@instilasarte.net
943 372 852/943 372 277
Buenos Aires aldapa, 1-Lasarte-Oria