San Ixidro Eguna joan berri zaigun honetan, usurbildarren festa kuttunena ospatzeko astean sartu berri gara. 6 egun besterik ez dira geratzen, 35. Sagardo Eguna ospatzeko. Egun betea datorkigu aurten, ohiko ekitaldiekin batera, bi urtemuga ere ospatuko baititugu maiatzaren 22an; batetik, Remigio Mendiburuk landu eta frontoi ondoko plazatxoan kokatua dagoen Udarregi bertsolariaren omeneko eskulturak 50 urte bete dituela eta, oroimen ekitaldia egingo da igandean. Eta hala tokatu da baita; NOAUA! Kultur Elkarteak 20 urte betetzen ditu. Urtemugaren harira, duela bi hamarkada ateratako NOAUA!kideen argazkia berrituko da eta antolatzaileei esker, Sagardo Egunari hasiera emateko ohorea izango du guztion etxe honek.
Egun osoko festa
Hasiera ekitaldiarekin lehertuko da jai giroa eta sagardo postuetan hasiko da joan etorria. Baserriko, Usurbilgo, Zubieta eta Aginagako, nahiz Gipuzkoako hainbat txokoetako sagardoak dastatzeko aukera izango dugu aurten ere. Pintxoak jatekoa baita. Askatasuna eta Dema plaza, eta frontoia lotuko ditu Sagardo Egunak. Mikel Laboa plazara ere batuko da festara, Ernai Usurbilek antolatuta, txosnagunea kokatuko baita bertan. Egun osorako ekimenak iragarri dituzte. Segidan maiatzaren 22rako jai egun handiko egitaraua. Egunotan, ekimen guztion inguruko zehaztasunen berri ematen joango gara:
4. Sagastiak Loretan
Maiatzaren 22ra arte: "Sagardo ibaiak, bizitza iturri" erakusketa
Ordutegia: asteazkenetik ostiralera, 18:00etatik 20:00etara; larunbatean 12:00etik 13:30etara eta 18:00etatik 20:00etara, eta igandean 12:00etik 13:30etara.
Tokia: Sutegiko erakustaretoa.
Antolatzaileak: Sagardoaren Lurraldea; Usurbil, Hernani eta Astigarragako Udalak; Donostiako Aquarium-a.
Maiatzak 19, osteguna
11:00 Euskal Herriko Sagardoaren Ibilbide Turistikoaren aurkezpena Potxoenean.
Maiatzak 20, ostirala
19:00 "Sagardoa bidegile" dokumentalaren proiekzioa Sutegin. Informazio gehiago: sagardoabidegile.eus
Maiatzak 22, igandea: 35. Sagardo Eguna
10:30 “Sagardotegia, gure kolejiyua” kantatu zuen Udarregi bertsolariaren oroimenez Remigio Mendibururen eskultura jarri zela 50 urte gogoratzeko ekitaldia.
11:00 Potxoenea atarian duela 20 urte egindako Noaua!ko bazkideen argazkia berrituko dugu.
11:30 Hasiera ekitaldia Noaua!ren eskutik.
Goizean zehar, frontoian herriko baserritarrak eta beste sagardogileak izango dira, Dema plazan Gipuzkoako sagardogileen elkarteko postuak jarriko dira eta Askatasuna plazan Eusko Labelean sartuta dauden sagardoak dastatzeko aukera izango da. Pintxoak dastatzeko aukera ere izango da.
12:00-13:30 "Sagardo ibaiak, bizitza iturri" erakusketa Sutegiko erakustaretoan.
18:00-21:00 “Elektro Patxaranga” kaleetan zehar.
Antolatzailea: Sagardo Egunaren Lagunak.
TXOSNAGUNEA
Maiatzak 22, igandea
11:00 Txosnagunearen irekiera.
13:00 Presoen aldeko kalejira eta txotxa.
Eguerdira arte, talogileak.
15:30 Trikitilariak.
18:00 Dj Bull
23:00 Zaparra herriko taldearen kontzertua.
Tokia: Mikel Laboa plaza.
Antolatzailea: Ernai Usurbil.
Ekainak 4, larunbata
09:00-13:00 Sagarrondotik Sagardora ikastaro zikloko saioa Potxoenean: "Sagastien udako kimaketa, gaitzak eta izurriteak".
Bideratzailea: Aitor Etxeandia.
Oharra: saioa, otsailaren 27tik irailaren 10era antolatu den "Sagarrondotik Sagardora" ikastaro praktikoaren baitan egingo da. Ikastaro osoaren prezioa: 96 euro, Alkartasuna Kooperatibako bazkideek doan. Saio solteetan izen emateko aukera ere badago. Hurrengo saioak:
-Uztailak 9: "Zuhaitzen udako edo begiko txertaketa".
-Irailak 10: "Sagarraren heldutasun analisiak eta etxean sagardoa egiteko hastapenak".
Informazio gehiagorako eta izen emateko:
943 361 114
alkartasuna@usurbil.com
Antolatzailea: Alkartasuna Kooperatiba.
Elkarlanean: Usurbilgo Sagardo Egunaren Lagunak, Alkartasuna Usurbilgo Baserritarren Kooperatiba, NOAUA! Kultur Elkartea, Usurbilgo Sagastia E.M., Sagardoaren Unibertsitatea, Gipuzkoako Sagardogileen Elkartea, Bizi Sagardoa, Usurbilgo Udala.
