Eragile sozial, sindikal eta politiko ezberdinek bat egin dute, igande honetarako, maiatzaren 29rako, Erraustegiaren Aurkako Mugimenduak osasunaren alde eta erraustegiaren aurka Donostian deitu duen giza-katearekin. Baita noski ingurumen alorreko eragileek ere; tartean, erraustegiaren aurka azken hilabeteotan sortzen joan diren herri plataformek, baita zero zabor mugimenduak ere. "Igandekoa mobilizazio berezia izango da (erraustuez.org) eta erronka handia, bai parte hartze zein antolatze aldetik. Alabaina, sustatzaileek eutsiko diotela sinestuta daude, erraustegiaren proiektuak gipuzkoarren artean sortu duen ondoeza ikusita", ohartarazi dute antolatzaileek.
Donostiako Onkologikoa Foru Aldundiko egoitza aurrearekin lotuko duen mobilizazioaren bidez, "irudikatu nahi dugu gai honekin minimoki interesatu den edozeinek dakiena, baita jendaurrean dakiten hori ukatzen dutenek ere. Alegia, badaudela datu zientifiko sendoak esateko hondakinak erretzea asoziatzen dela minbizi-kasuen eta hilkortasunaren handitzearekin, baita beste hainbat gaixotasunen ugaltzearekin ere, erraustegi batetik 10 kilometroko inguruan bizi den populazioan. Erraustegia pertsonen osasunerako zein ingurumenerako arriskutsua da. Gainera, garestia da (mila milioi baino gehiago 35 urtetan); alde horretatik, belaunaldi hau ez ezik gure seme-alabena ere hipotekatuko du. Eta hori gutxi balitz, birziklatze-bidean zein ekonomia zirkularreko bidean aurrera egitea ere oztopatzen du".
Giza-katerako hautatu den abiapuntua eta helmugaren zergatia gogorarazi du Erraustegiaren Aurkako Mugimenduak. "Zergatik hasi Onkologikoan? Ez dugulako han bukatu nahi. Zergatik bukatu Foru Aldundian? Bertan has daitekeelako behar baino pertsona gehiago Onkologikoan bukatzera eraman ditzakeen bidea".
Atxikimenduak
Aiztondoko plataforma (Villabona, Zizurkil, Aduna, Alkiza, Asteasu eta Larraul)
Astigarraga Zero Zabor
Eguzki
Ekologistak Martxan
Erraustegiaren aurkako Usurbilgo Taldea
Erraustegia Erabakia (Usurbil)
Errausketaren kontrako Koordinadora
Greenpeace
Haritzalde Naturzaleen Elkartea
Hernanin Zero Zabor
Ipar Haizea (Andoain)
Lasarte-Orian Aire Garbia
Oñati Zero Zabor
Tolosa Zero Zabor
Usurbilgo Zero Zabor
Zero Zabor Ingurumen Babeserako Elkartea
Zubietako Herri Batzarra
EH Bildu
Equo
Ernai
Ezker Anitza-Izquierda Unida
Gazte Abertzaleak
Irabazi
Podemos Euskadi
Sortu
CCOO de Euskadi
ELA
ESK
LAB
Giza-kateari buruzko informazio gehiago: erraustuez.org
