Jai herrikoien aldeko piratek eta EH 11 Kolore mugimendu kulturanitzak ere bat egin dute, erraustegiaren eta eliteen kontrako protesta baketsuarekin. Hiru mugimenduon elkarlanetik sortu da larunbat honetako egitaraua.
Aldundia eta Kutxabank, bizitzak inguratua
Gipuzkoa Zutik-ek deitu zuen mobilizazioa jendetsua egin zuten atzo. Bizitzaren aldeko giza-kate luzeak, Gipuzkoako Foru Aldundiak eta Kutxabankek Donostia erdigunean dituzten egoitzak inguratu zituen ostiral arratsaldean. Bidean bizitzaren aldeko aldarriak, erraustegiaren aurkakoak entzun ziren etengabe; "Hemen gaude bizitzaren alde!", " ez ez ez, errausketarik ez!" edota "ustelak lurpera, bizitza da handiena!".
Bulebarrean hasi eta amaitu zen mobilizazioa asanblada jendetsuarekin. Astebururako ekimen gehiago iragarri dituzte. 14 egun bete ditu jada Gipuzkoa Zutik-en kanpaldiak. Geroz eta jende gehiago batzen ari da. Bai Donostian, baita zutitzen ari diren herrietan ere.
Ekainak 11, larunbata
Borroken bateratzea: Piraten "Kantauri beltza" topaketak:
10:00 Performancea.
10:30 Solasaldia: "Herri mugimenduak eta musika eszenak".
12:30 Solasaldia: "Herri mugimenduak eta kultura eszenak musikatik harago".
18:00 Borroken bateratzea: 11 Kolore Fest. Txupinazoa. Jarraian, kalejira: * Gipuzkoa Zutikekoei errefuxiatuen aldeko lemak eramatea proposatu zaie.
19:00 Asanblada.
23:30 Gaueko martxa.
17:00
18:00 Usurbilgo Kantu Taldearen emanaldia.
Antolatzailea: Gipuzkoa Zutik.
