Bizikletaz helduko da ekimena Donostiatik Zubietara. Errausketaren zero gunera igoko dira. Eta gero, Zubieta herrira jaitsita, hitzaldi, mahai-inguru, ikuskizun edota herri-afaria antolatu ditu Zubieta Lantzenek. Aipatzekoa, ekitaldien artean, OEITkoen, erraustegiaren aurkako mugimenduko kideen eta zubietarren arteko mahai ingurua izango dela. Gipuzkoa Zutik-ek larunbat gaua Zubietako frontoian egingo du. "Gaua frontoian pasako dugu, zatoz elkarrekin orain arteko bidea ospatu eta aurrera begira goza dezagun!", luzatu dute gonbita.
Igandean esnatu, eta hasteko, Belartza 2 egitasmoaren aurkako kontzentraziora joango dira lehenik, gero GuraSOSek antolaturiko mobilizaziora eta handik errefuxiatuen aldeko elkarretaratzera. Honatx Gipuzkoa Zutik-en asteburuko egitaraua:
Ekainak 17, ostirala
19:00 Gipuzkoar guztien asanblada Donostiako Bulebarrean. "Ekarri lozakuak eta bizipoza".
12:00 Metroaren aurkako manifestazioa Easotik.
15:00 Bulebarretik abiatuko da bizikleta martxa.
Afalostean, kantaldi herrikoia Gipuzkoa Zutik errepertorioa kantatuz, eta momentu onenen bideo emanaldia.
09:00 Zubietatik abiatuta, Belartzako proiektuaren aurkako bizikleta martxa Añorgara.
12:00 Erraustegiaren aurkako mobilizazioa Antiguako tuneletik, GuraSOS taldeak deituta.
13:00 Errefuxiatuen aldeko elkarretaratzea Bulebarrean, Gipuzkoa Solidarioa plataformak deituta.
19:00 Asanblada.
