"Gipuzkoa Zutik mugimendua aldatzen hasia da. Astearte eta asteazkenean, asanblada garrantzitsuak izango ditugu. Horiekin bat, oporrak eta eguzkia aprobetxatuz haur jolasak egongo dira bi egunotan 18:00etan hasita! Horretarako, haurrak, lagunak eta jolasteko edozein tresna eramango ditugu, elkarrekin ondo pasatzeko! Gure bizitzak babestu eta pozik biziko gara, diruzaleen aurrean. Goazen ba, elkarrekin jolastera!", hauxe Gipuzkoa Zutik-ek egunotarako Donostian antolaturiko ekimenen harira luzatu duten gonbita.
Azken asteotan sare sozialen bidez zabaltzen ari diren moduan, Donostia bakarrik ez, Gipuzkoa erraustegiaren eta eliteen aurka zutitzen doa. Debagoiena Zutik-ek lehen gaua eman du Arrasaten, atzo 4oo lagun bildu ostean. Oiartzun Zutik-ek ere lehen asanblada egin zuen atzo. Ekimeneko kideak egunotan iragartzen ari diren moduan, hilabetea betetzear duen Gipuzkoa Zutik-en fase aldaketa baten aurrean gaude. Orain artekoaren balantzea egin eta hurrengo fasea zehazten hasiko dira Donostian, datozen bi egunotarako deitu dituzten ekimenetan:
Gipuzkoa Zutik, Donostian:
Ekainak 21, asteartea
17:00-19:00 Mugimendu tailerra, Bulebarrean: "Kaleak, gorputzak gureak dira". Dinamizatzailea: Edur Epelde. Gipuzkoa Zutikeko kideen gorputzetan eragin duena landuko dute.
18:00 Haurrentzako jolasak, Bulebarrean.
19:00 Asanblada, Gipuzkoa Plazan. Orain arteko bidearen balorazioa.
Ekainak 22, asteazkena
17:00-19:00 "Herri desobedientzia tailerra", Bulebarrean. Irati Tobar eta Jonek dinamizatua.
18:00 Haurrentzako jolasak, Bulebarrean.
19:00 Asanblada, Gipuzkoa Plazan. Hurrengo fasea irudikatu eta zehaztea.
Asanblada ostean: P(R)ENTSÁURRENGOA fase aldaketa irudikatuko duen ekintza kolektiboa. Ekarri ileordeak eta maskarillak!
Gipuzkoa Zutik
Facebook: Gipuzkoa Zutik
Twitter: @GipuzkoaZutik
Buruntzaldea Zutik
Twitter: @buruntzazutik
