Irailaren 30etik urriaren 2ra egingo den erraustegiari buruzko herri galdeketak eragingo dituen gastuei aurre egiteko laguntza biltzeko ekimen desberdinak abiatu ditu Erraustegia Erabakia herri plataformak. Batetik badakizue, jaietan kamisetak salgai izan zituzten 6 eurotan. Eskuratu ez baduzue etorri NOAUA!ko egoitzara. 6 euroren truke eskura ditzakezue kamisetok, uztailaren 19ra arte. Neurriotakoak dituzue aukeran:
Haurrak: 5-6 eta 7-8.
Neskak: S-M, L-XL eta XXL.
Mutilak: M eta L.
Uztailaren 23tik 31ra ospatuko diren Zubietako Herri Jaietan ere erraustegiaren aurkako materiala saltzeko mahaia jarriko du Zubieta Lantzenek. Egunotan:
-Uztailak 23: 19:30-20:30.
-Uztailak 24: 19:30-20:30.
-Uztailak 30: 12:00-13:00.
-Uztailak 31: 12:00-13:00.
Kamisetez gain, kontu zenbaki bat ere ireki dute Laboral Kutxan, nahi duenak diru ekarpenak egin ditzan. Honatx zenbakia:
ES 36- 3035 0140 37 1400030079.
Alkartasuna Kooperatiban eskura ditzakezue bestalde, "Errausketarik? Ez, eskerrik asko. Birziklatzea bai!" dioten banderola koloretsuak. Erraustegiaren Aurkako Mugimendutik banderolak etxeko balkoi eta leihoetan jartzeko deia luzatu dute. "Animatu zaitezte etxeko leiho edo balkoietan erraustegiaren aurkako eta osasunaren aldeko borroka honetan sinbolotzat dugun bandera hau jartzera!", deitu dute.
Erraustegiaren aurkako agenda
Uztailak 18, astelehena
Erraustegia Erabakiak herri galdeketari buruzko zehaztasunen berri emango du agerraldi bidez.
Uztailaren 19ra arte
Erraustegiari buruzko herri galdeketa diruz laguntzeko kamisetak salgai 6 eurotan, NOAUA! K.E.-ren egoitzan. Banderolak Alkartasuna Kooperatiban salgai.
Diru ekarpenak egiteko kontu zenbakia ere zabalik: ES 36- 3035 0140 37 1400030079.
Uztailak 19, asteartea
19:00 Buruntzaldea Zutiken asanblada Usurbilen. Gipuzkoa Zutik mugimendua herrietara zabaldu ostean, ekimen mordoa bideratzen ari dira udalerrietan. Informazio gehiago:
Gipuzkoa Zutik
Facebook: Gipuzkoa Zutik
Twitter: @GipuzkoaZutik
Buruntzaldea Zutik
Twitter: @buruntzazutik
Uztailak 23, larunbata
Bazkalostean, Zubietako jaien baitan bingo herrikoia, Erraustegiaren Aurkako Zubietako Taldearen eskutik.
19:30-20:30 Erraustegiaren aurkako material salmenta Zubietako jaietan.
Uztailak 24, igandea
19:30-20:30 Erraustegiaren aurkako material salmenta Zubietako jaietan.
Uztailak 28, osteguna
11:00 Erraustegia eraikitzeko proiektua esleituko du GHK-k Foru Aldundiko egoitzan. Erraustegiaren Aurkako Mugimenduaren ekimena. "Erantzun sendoa emango dugu 11:30ak baino lehenago. Prestatu maindireak eta adi deialdiei!", iragarri dute.
Uztailak 29-30 aldera
Erraustegia eraiki eta kudeatzeko proiektuaren esleipeneko oinarrien berri emango du Gipuzkoako Aldizkari Ofizialak. Enpresa interesdunek eskaintzak aurkezteko bi hilabeteko tartea izango dute. Urte amaieran hasi asmo ditu Aldundiak, erraustegia eraikitzeko lanak.
Uztailak 30, larunbata
12:00-13:00 Erraustegiaren aurkako material salmenta Zubietako jaietan.
Uztailak 31, igandea
12:00-13:00 Erraustegiaren aurkako material salmenta Zubietako jaietan.
Irailak 30, urriak 1,2
Erraustegiari buruzko herri galdeketa Usurbilen. Bolondresak beharko dira. Antolatzaileekin harremanetan jartzeko:
erraustegiaerabakia.wordpress.com
erraustegiaerabakia@gmail.com
Twitter: @U2erabaki
Deialdi gehiago...
-Europan erraustegi gehiago ez eraikitzeko sinadurak biltzeko kanpaina. Atxikimendua emateko aukera duzue lotura honetan: https://secure.avaaz.org/es/petition/STOP_BUILDING_WASTE_INCINERATORS_IN_EUROPE/?wJuUUkb
Sinatuta, hauxe da hitzez hitz eskatuko duzuna: “Europako hiritar moduan, erraustegi berrien eraikuntza mugatu dezala eskatzen diogu Europako Batzordeari. Errausketak birziklatzearekin lehiatzen du eta badira ebidentziak Europar Batasuneko herrialde askok hondakinak errausteko gaitasun handiagoa dutela erakusten dutenak. Alternatiba gisara, hondakinak sortzen diren gunetik ahalik eta hurbilen murriztu, birdiseinatu, berrerabili eta birziklatzeko pizgarriak aldatu ditzala eskatzen dugu. Europak 2020rako efizientzia helburuak bete nahi baditu, ez dira eraiki behar erraustegi berriak”.
