"Abuztockek utzi dituen irudi ederrak ikusi nahi? Eskerrik asko guztioi!". GuraSOSen mezu honekin, antolatzaileek igandeko jaialdian ateratako irudi bilduma ikustera gonbidatzen gaituzte. GuraSOSen blogean bistaratu ditzakezue:
https://blogagurasos.wordpress.com
NOAUA!ren irudi bilduma: Argazkitegian
Bideoak NOAUA TB atalean:
"Eskerrik asko etorri zareten guztioi"
GuraSOSek biziki eskertu du, igandean Donostiako Cristinaenean ospatu zen Abuztock errebolta baketsuak izandako harrera. "Eskerrik asko etorri zareten guztioi, ikaragarria izan da! Abuztock-en pilatutako indarra guztiok batera aurrera egiteko akuilua izan dadila!", adierazi du guraso taldeak sare sozialen bidez. Hitza, dantza, musika, bertsoa... baliatuz, aurpegi ezagun askoren ahotsa entzunarazi zen. Bertaratu ziren guztiena. Guztiek hartu zituzten ahotan, erraustegiaren auzian, osasuna lehenetsi eta parte hartze eskubidea bermatzearen aldeko mezuak. Donostiako arnasgune nagusietakoa den Egiako parkean guraso taldeak antolaturiko jaialdira jende mordoa hurbildu zen.
Ekimen gehiago
Maiatzean jendaurrean aurkeztu zenetik, etenik gabe lanean dabil GuraSOS. Abuztock jaialdiaren ostean, batetik, urrirako mobilizazio erraldoi bat antolatzekoa da guraso taldea. Honez gain, eta aurrerago zehaztasun gehiagoren berri emango duten arren, honatx GuraSOSek aurrera begira iragarri dituen beste 3 ekimen juridikoak: erraustegiaren lizitazioaren kautelazko suspentsioa lortzea; erraustegiaren Ingurumen Baimen Integratuaren iraungitze edo baliogabetzea lortzea bide administratibotik. Abuztuaren 29an gorako helegitea jarri zutela berri eman dute; eta azkenik, ingurugiro parte-hartze, hondakinen plangintza eta kontratatze gaietako Zuzentarauen ez-betetze larriengatik, kexak zuzenduko dituzte Europako Batzordera.
Jaialdian parte hartu dutenak
Uxue Alberdi (kazetaria, bertsolaria eta idazlea)
JoxAnton Artze (poeta)
Ane Artetxe (musikaria)
Amets Arzallus (bertsolaria)
Ainara Azpiazu, Axpi (marrazkilaria)
Eneko Balerdi (dantzaria)
Aitor Bengoetxea (UPV/EHUko Zuzenbide Fakultatea)
Garbiñe Biurrun (epailea)
El Drogas (musikaria)
Eñaut Elorrieta (musikaria)
Jakoba Errekondo (paisajista)
Bide Ertzean (musika taldea)
Alazne Etxeberria (aktorea)
Pako Etxeberria (auzitegi-forentsea)
Zuriñe Hidalgo (musikaria)
Joseba Larratxe, Josevinsky (marrazkilaria)
Alberto Lizarralde (argazkilaria)
Jone Martinez (UPV/EHUko Zientzia Politikoetako Fakultatea)
Nerea Mendizabal (psikologoa)
Jabier Muguruza (musikaria)
Oreka TX (musika taldea)
Petti (musikaria)
Xabi Solano (musikaria)
Edorta Subijana (arkitektoa, marrazkilaria, argazkilaria)
Arantxa Urretabizkaia (idazlea)
Iban Zaldua (idazlea)
Haimar Zubeldia (txirrindularia)
GuraSOS laguntzeko:
ES18 3035 0140 39 1400030208
