Usurbilen da jada Josep Lluis Carod-Rovira. Dakizuenez, Nafartarrak taldeak larunbat goiz honetarako Sutegin antolatu duen “Independentziarako bideak” jardunaldian parte hartuko du. Kataluniako prozesuaz ariko da goizeko 10:00etan hasita. Aldez aurretik, Usurbilgo Udalak harrera egin dio Carod-Rovirari. Udaletxe atarian bildu eta usurbildarron etxea barrutik erakutsi diote ERC-ko buruzagi ohiari. Ekitaldian parte hartu du udal gobernu taldeko ordezkaritza batek. Bisita gidatuan zehar, "Herriak badaki, Usurbilgo memoria errepresiboa, 1973-2002" liburua oparitu diote Carod-Rovirari. Aipatu moduan, minutu gutxi barru Sutegin ariko da hizketan.
