Gerturatzen doa eguna. 11 egun baino ez dira geratzen, Erraustegia Erabakia herri plataformak deitu duen erraustegiari buruzko herri galdeketa ospatu eta herritarrek kezka eta haserrea eragiten ari den gai honen inguruan duten iritzia ezagutzeko. Ate joka dugun hitzordu garrantzitsu hau girotzeko, lip-dub bat grabatuko da igande honetan, urriak 16. “Urriak 16 eguerdian ez gelditu etxean! Hartu apaingarriren bat eta animatu erdigunera hurbildu eta lipdub koloretsu honetan parte hartzera!”, luzatu dute gonbita, Erraustegia Erabakia herri plataformatik. Ez ahaztu ezta, aipatu herri plataformak galdeketari begira ateratako kamiseta jantzita eramateaz. Norbanako nahiz eragile oro ongi etorria izango da. Eragileak aipatuta, dagoeneko zerrenda luze askoa osatua dute antolatzaileek. Denetariko hamarnaka eragileek bat egin dute ekimenarekin. “Egunetik egunera eragile gero eta gehiago ari zaizkigu apuntatzen eta zaila egiten ari zaigu behin betiko zerrenda hori osatzea”, herri plataformatik gaineratu dutenez.
Gogoan izan, Fermin Muguruzaren "Hartu dezagun hitza" abestia baliatuko da grabaketarako. Herritarrek antolakuntzak finkatutako ibilbidean kokatu beharko dute eta kamera gerturatzen denean, irudimena landuz zerbait egin. Dantzatu, musika instrumenturen bat jo... Ikusi albiste honi atxikita duzuen bideoa. Erraustegia Erabakia Herri Plataformak argitaraturiko ikus-entzunezkoa duzue, grabazioaren ibilbidea eta eragileen kokapen guneak zehazten ditu.
LIP-DUB GRABAZIOA
Eguna: urriak 16, igandea.
Biltzeko hitzordua: 11:00etan, udaletxean.
Oharra: Erraustegia Erabakia Herri Plataformak galdeketari begira ateratako kamiseta jantzita agertu.
Ibilbidea eta behin behineko parte hartzaileen zerrenda
Askatasuna plazako bolatoki gaina-Bordatxo aurreko errotonda
Erraustegia Erabakia Herri Plataforma
Zubietako Eskola Txikiko Guraso Elkartea
Zubietako Herri Batzarra
Zubietako Jai Batzordea
Zubieta Lantzen
Zubieta Pilota Elkartea
Pagazpe PKE
Zubieta Lantzen Txirrindulari Elkartea
Usurbil K.E.-ko taldeak
Atxegaldeko Jai Batzordea
Kalezarko Jai Batzordea
Bordatxo aurreko errotonda-Mikel Laboa plaza
Orbeldi Dantza Taldea
Santueneko Jai Batzordea
Zumarte Musika Eskola
Trikitilari eta panderojoleak
Oilasko biltzaileak
Sukaldariak
Baserritarrak
Usurbil F.T.
Kantu Taldea
Sagardoaren Lagunak
Tabernariak
Andatza M.K.T.
Matrakak
Ernai
LAB
EHBildu
Etxerat!
Buruhaundi eta Erraldoien Konpartsa
Mikel Laboa plaza-udaletxea
Orbeldi Dantza Taldea
Txalapartariak
Adarjole eta albokajoleak
Batukada
Musikariak
Tronpetistak
BTT
Udaletxea- Dema plaza
Gitarjoleak
Irakasleak
Aginagako Eskola Txikiko Guraso Elkartea
Arraunlariak
Amaiera parte hartzaile guztiekin, Dema plazan
ABESTIA
"Hitza har dezagun" (Fermin Muguruza)
Hartu hitza
Hitza har dezagun
Iritzia
Eman dezazun
Erakustaldi itogarria
Jazarpen mediatikoarena
Informazio - informazio eza
Berriaren giro presioa
Historiaren amaiera
Iragartzen du hedabideak
Eraikitako mundu birtualak
Ezereztu egiten du jendea
Friboloa da
Eta gainera ba omen dauka
Jada bere glamourra
Hartu hitza
Hitza har dezagun
Iritzia
Eman dezazun
Hitzez armatu,
hau da tribuna
Jaurtikitzeko aburuak
Jendeaurreko plataforma
Errealitate
gordin dosi bat
Kantak ere ispiluak bezala
Hauxe duzu bozgoragailua
Bolbora dialektika,
eztanda!
Bonba komunikatzailea,
eztanda!
Den-denak egingo du eztanda
Bi mundu hauek
topatzerakoan
Hartu hitza
Hitza har dezagun
Iritzia
Eman dezazun
Antolatzailea: Erraustegia Erabakia Herri Plataforma.
Informazio gehiago:
erraustegiaerabakia.wordpress.com
erraustegiaerabakia@gmail.com
Twitter: @U2erabaki
