10 egun baino ez, usurbildar eta zubietarrek erraustegiaz hitza hartzeko, eraiki nahi diguten erraustegiaz duten iritzia ezagutzeko. Erraustegia Erabakia herri plataformak urriaren 21etik 23ra antolatu duen herri galdeketaren amaieran izango da hori, boto zenbaketa bukatzean. Galdeketa girotzeko, ekimen alai eta koloretsu askoa antolatu dute aurretik, igande honetarako, urriak 16; lip-dub grabazioa, Fermin Muguruzaren "Hartu dezagun hitza" abestiarekin. Biltzeko hitzordua, goizeko 11:00etan finkatu da udaletxean.
Gero, Askatasuna plazako bolatoki gaina, Bordatxo aurreko errotonda, Mikel Laboa plaza, udaletxea eta Dema plaza lotuko dituen grabazioko ibilbidean kokatu beharko dira, jada ekimen honekin bat egin duten hamarnaka herri eragileetako kideak eta parte hartu nahi duen herritar oro. Bakoitzak ibilbidean izango duen kokagune zehatza zein den jakiteko, antolatzaileek albiste honi atxikia duzuen bideoa argitaratu dute. Ibilbidea eta kokagune zehatzak ezagutzeaz gain, Fermin Muguruzaren abestia ikasteko aukera eskaintzen du ikus-entzunezko lan honek.
Aldarrikapena, jai giroan
Mozorrotuta, apaingarriekin... agertzeko deia egin dute. Ez ahaztu ezta, galdeketari begira, Erraustegia Erabakia herri plataformak prestatu dituen kamisetak jantzita eramateaz. Kamisetarik ez baduzue, 6 eurotan eskura ditzakezue NOAUA! Kultur Elkarteko egoitzan.
“Urriak 16 eguerdian ez gelditu etxean! Hartu apaingarriren bat eta animatu erdigunera hurbildu eta lipdub koloretsu honetan parte hartzera!”, luzatu dute gonbita, Erraustegia Erabakia herri plataformatik.
LIP-DUB GRABAZIOA
Eguna: urriak 16, igandea.
Biltzeko hitzordua: 11:00etan, udaletxean.
Oharra: Erraustegia Erabakia Herri Plataformak galdeketari begira ateratako kamiseta jantzita agertu.
Ibilbidea eta behin behineko parte hartzaileen zerrenda
Askatasuna plazako bolatoki gaina-Bordatxo aurreko errotonda
Erraustegia Erabakia Herri Plataforma
Zubietako Eskola Txikiko Guraso Elkartea
Zubietako Herri Batzarra
Zubietako Jai Batzordea
Zubieta Lantzen
Zubieta Pilota Elkartea
Pagazpe PKE
Zubieta Lantzen Txirrindulari Elkartea
Usurbil K.E.-ko taldeak
Atxegaldeko Jai Batzordea
Kalezarko Jai Batzordea
Bordatxo aurreko errotonda-Mikel Laboa plaza
Orbeldi Dantza Taldea
Santueneko Jai Batzordea
Zumarte Musika Eskola
Trikitilari eta panderojoleak
Oilasko biltzaileak
Sukaldariak
Baserritarrak
Usurbil F.T.
Kantu Taldea
Sagardoaren Lagunak
Tabernariak
Andatza M.K.T.
Matrakak
Ernai
LAB
EHBildu
Etxerat!
Buruhaundi eta Erraldoien Konpartsa
Mikel Laboa plaza-udaletxea
Orbeldi Dantza Taldea
Txalapartariak
Adarjole eta albokajoleak
Batukada
Musikariak
Tronpetistak
BTT
Udaletxea- Dema plaza
Gitarjoleak
Irakasleak
Aginagako Eskola Txikiko Guraso Elkartea
Arraunlariak
Amaiera parte hartzaile guztiekin, Dema plazan
ABESTIA
"Hitza har dezagun" (Fermin Muguruza)
Hartu hitza
Hitza har dezagun
Iritzia
Eman dezazun
Erakustaldi itogarria
Jazarpen mediatikoarena
Informazio - informazio eza
Berriaren giro presioa
Historiaren amaiera
Iragartzen du hedabideak
Eraikitako mundu birtualak
Ezereztu egiten du jendea
Friboloa da
Eta gainera ba omen dauka
Jada bere glamourra
Hartu hitza
Hitza har dezagun
Iritzia
Eman dezazun
Hitzez armatu,
hau da tribuna
Jaurtikitzeko aburuak
Jendeaurreko plataforma
Errealitate
gordin dosi bat
Kantak ere ispiluak bezala
Hauxe duzu bozgoragailua
Bolbora dialektika,
eztanda!
Bonba komunikatzailea,
eztanda!
Den-denak egingo du eztanda
Bi mundu hauek
topatzerakoan
Hartu hitza
Hitza har dezagun
Iritzia
Eman dezazun
Antolatzailea: Erraustegia Erabakia Herri Plataforma.
Informazio gehiago:
erraustegiaerabakia.wordpress.com
erraustegiaerabakia@gmail.com
Twitter: @U2erabaki
