200 herri eta milaka etxeetara heldu dira. Ia 500.000 euroko laguntza batu dute 3 urteotan. Ezinbestekoa izan da tartean, usurbildarrok emandako laguntza. Eta horretan jarraitzera animatzen gaitu Errigoratik, “goazen Errigorago, Errigorago gaitezen!". Ate joka dugu Nafarroa hegoaldeko tokiko produktuen ekoizpen eta salmenta sustatu eta jasotako laguntzaren zati bat euskalgintzako proiektuetara bideratzen duen elkartasun kanpaina berria. Denetariko produktuez hornituriko saskiak eskatu ditzakezue azaroaren 8ra arte, NOAUA! K.E.-ren egoitzan eta herriko beste zenbait establezimenduetan:
ErrigoraGo kanpaina berria
Epea: urriak 24-azaroak 8.
Eskaerak egiteko lekua: NOAUA! K.E., Aitzaga, Artzabal, Aizpurua Okindegia, Bordatxo, Kaffa, Txiriboga eta Lizardi.
Bi produktu otar aukeran:
-Saski beltza: oliba-olio birjina, mahats-zukua, potxak, melokotoi-marmelada, arbendolak, borraja ekologikoa, pikillo piper mama, zainzuri estra lodiak, orburu-bihotzak, pikillo-piper osoak, ozpin ekologikoa, melokotoia almibarrean eta ardo ekologikoa. Prezioa: 50 euro.
-Saski zuria: txokolatezko gutiziak, pasta ekologikoa, arroza, polboroiak edo teilak, madaria almibarrean, eskalibada, pikillo-saltsa, zainzuri estra lodiak, orburu-bihotzak, pikillo-piper osoak, ozpin ekologikoa, melokotoia almibarrean eta ardo ekologikoa. Prezioa: 50 euro.
Informazio gehiago: errigora.eus edo NOAUA!n (943 360 321).
"Joango gara ErrigoraGO?"
Badator Errigoraren elkartasun kanpaina berria, Nafarroako denetariko produktu goxo askoez hornituriko otarrena. Urriaren 24tik azaroaren 8ra bideratu ahalko dituzue eskaerak. Antolatzaileak dagoeneko prestaketa lan betean dira. "Errigoraren sorrerako ametsak beteta, amestuko ditugu zerumuga berriak? Joango gara ERRIGORAgo? Izango gara ERRIGORAgo? Bost minutuan Errigora nora heldu den eta nora eraman nahi dugun azaltzen saiatu gara", albiste honi atxikia duzuen bideoaren bidez.
2013ko udan martxan jarritako egitasmo honek izan duen hiru urteotako ibilbidearen errepasoa egiten dute sustatzaileek, ikus-entzunezko lan honetan. Nafarroako tokiko ekoizpena eta produktuen salmenta sustatu eta jasotako laguntza euskalgintzako proiektuetara bideratu duen egitasmoak izandako arrakastaren erakusle diren pare bat datu segidan. 200 herri eta milaka etxeetara heldu dira. Ia 500.000 euroko laguntza batu da 3 urteotan. Aipatzekoa usurbildarrek emandako laguntza. Azken urte honetan esaterako, kontserba loteen udaberriko kanpainan, NOAUA!n soilik, 69 lote eskatu ziren, 121 oliba olio bidoi banatu ziren neguan eta duela urtebete, produktu ezberdinez hornituriko 69 otar banatu ziren.
Handitzen doa proiektua: bai ekoizle kopurua, baita kontsumitzaileena ere, datorren elkartasun kanpainak ederki islatuko duen moduan. "Amets egitea gauza ederra da, ederragoa ametsa egitea. Baina oraingoan ere ezin dugu egin zu gabe, zatoz Errigorago, goazen Errigorago, Errigorago gaitezen!", gonbidatzen gaituzte. Laster, elkartasun kanpainaren inguruko zehaztasun gehiago izango dituzue. Momentuz, 3 urteotako ibilbide emankorraren inguruko honako bideo hau plazaratu du Errigorak.
Irudia eta bideoa: errigora.eus
