Atsedenik ez asteburu honetan ere, herriko kirol taldeentzat. Futbola izango dugu Haranen, eskubaloia Oiardo Kiroldegian, eta pilota partida bat Usurbilgo frontoian. Nabarmentzeko bi deialdi ditugu, asteburuko kirol agendari begira; batetik, 2016-17 denboraldiko aurkezpena egingo duela Usurbil F.T.-k igandean. Eta bestalde, euriagatik bitan atzeratu den Endika Abril Errebote Txapelketako finala jokatzeko datak zehazteke segitzen duela. Xehetasun gehiago segidan.
Usurbil F.T.-ren denboraldiko aurkezpena
Urrian abiatu zuten denboraldi berri honetan, Usurbilen izenean futbolean nortzuk lehiatuko diren, 2016-17 denboraldirako osatu dituzten jokalari taldeak ezagutu nahi badituzue, horretarako aukera eskainiko digu Usurbil F.T.-k igande eguerdian Kaxkoan antolatu dituen ekimenekin. Futbol talde guztiak batu nahi ditu Usurbil F.T.-k argazki sesio baterako. Horren ostean luntxa izango dute, aurretik txikienentzako jolasak:
Azaroak 20, igandea
10:30 Haurrekin jolasak Mikel Laboa plazan.
12:15 Usurbil F.T.-ko taldeen denboraldiko aurkezpeneko argazkiak aterako dira Mikel Laboa plazan.
Ondoren, luntxa Txiriboga tabernaren eskutik.
Antolatzailea: Usurbil F.T.
Asteburuko futbol neurketak
Azaroak 19, larunbata
09:30 Alebin mutilak: Udarregi 6A-Urnieta 5B
09:30 Alebin mutilak: Udarregi 5B-Urnieta 6B
10:45 Infantil mutilak: Usurbil-Idiazabal B
16:00 Erregional mutilak: Usurbil F.T.-Asoleus C.F.
18:00 Jubenil mutilak: Usurbil F.T.-Urnieta K.E. “A”
Eskubaloia Kiroldegian
Azaroak 19, larunbata
10:00 Alebin neskak, Buruntzaldea: Udarregi 6A-Udarregi 5B
10:00 Alebin neskak, Buruntzaldea: Udarregi 5A-Udarregi 6B
11:00 Infantil neskak, Gipuzkoako Txapelketa: Udarregi A Usurbil-Bidasoa A
12:15 Infantil mutilak, Gipuzkoako Txapelketa: Udarregi A Usurbil-H. Txarriduna Elgoibar
15:45 Jubenil mutilak, Euskal Liga: Usurbil K.E.-Urduliz
17:30 Kadete mutilak, Euskal Liga: Usurbil K.E.-Urduliz
19:30 Senior mutilak, 1.nazionala: Ucin Aluminio Usurbil-Dominicos Zaragoza
Azaroak 20, igandea
10:00 Alebin neskak, Errendimenduzko Gipuzkoako Txapelketa (lagun artekoa): Usurbil K.E.-Ereintza
11:00 Alebin mutilak, Errendimenduzko Gipuzkoako Txapelketa (lagun artekoa): Usurbil K.E.-Ereintza
Eskubaloia, Selekzioa
Azaroak 20, igandea
15:30 Gizonezko kadete promesen euskal selekzioaren entrenamendu saioa, Urdulizko Iparralde Kiroldegian: Usurbil K.E.-ko jokalari Joseba Errazkin Bermejo eta Eneko Iribar Zumeta deitu dituzte hitzordu honetara.
15:30 Gizonezko kadete promesen euskal selekzioaren entrenamendu saioa, Getxoko Fadura Kiroldegian. Usurbil K.E.-ko jokalari Aitor Zubelzu deitu dute hitzordura.
17:30 Emakumezko jubenil promesen euskal selekzioaren entrenamendu saioa Urdulizko Iparralde Kiroldegian. Usurbil K.E.-ko jokalariok deitu dituzte hitzordu honetara: Eider Makazaga Estella, Nagore Lertxundi, Malen Azpiazu Zubeldia, Enara Eizagirre Hueta, Nahia Arbizu Zabal eta Ainhoa Illarramendi.
Finalik ez asteburuan
Berriz ere euriagatik bertan behera utzi behar izan zuten azaroaren 13an Villabonan jokatzekoa zen Endika Abril Errebote Txapelketako finala. Oraingoan, ez dago argi noiz arte atzeratuko duten neurketa garrantzitsu hau. Zubieta eta Donibane Lohitzuneko Luzaz Gazte taldekoen partida noiz jokatuko den zehazteke du oraindik Pilota Federazioak.
Pilota Usurbilen
Azaroak 19, larunbata
Ordua: 16:30.
Tokia: Usurbilgo frontoia.
Neurketa:
Eskuz banaka, nagusiak:
Quina (Pagazpe)-Tolosa