San Praixku Guraso Elkarteak hamabostaldi honetarako antolatu dituen bi ipuin kontaketa saioetan bigarrena eskainiko du asteazken honetan, Yolanda Arrieta herritarrak. Haur eta gurasoei zuzenduriko ekitaldia, gaur arratsaldeko 18:15ean hasita, Aginagako ludotekan.
Gaztelaniazko literatura topaketa
Asteazken honetarako, azaroaren 23rako antolatu dute 19:00etan Sutegi udal liburutegian. Jon Bilbaoren “Bajo el influjo del cometa” ipuin-liburua aztertuko da saioan zehar. Ana Merino usurbildarrak gidatuko du saioa. “Parte hartzeko interesa duen edonorentzat, liburuak eskuragarri daude Liburutegian”, ohartarazi dute antolatzaileek.
