Ostiral honetan egingo diote harrera eguberriei Santuenean. Jai kutsuko arratsalde pasa honen bueltan:
Abenduak 16, ostirala
17:30 Ixabel Agirresaroberen ipuin kontaketa saioa.
19:00 Otarren zozketa.
19:30 Txistor jana.
Oharra: abenduaren 7tik 17ra antolaturiko gabonetako tailer artistikoan eginiko lanen erakusketa.
Antolatzailea: Santuenea Elkartea.
GABON GIROKO LEHEN EKITALDIAK
Abenduak 17, larunbata
11:00-13:00 Jostailu Erabilien Azoka frontoian. Aurretik, abenduaren 15 eta 16an, azokarako bilketa 17:00-19:00 artean Sutegiko erakustaretoan.
Antolatzailea: Hitz Aho.
Abenduak 18, igandea
Goizean zehar, San Tomas Festa frontoian.
Antolatzailea: NOAUA! Kultur Elkartea, herri eragile gehiagorekin elkarlanean.
Abenduak 23, ostirala
Ikasleen gabon kanta saioak:
Zubietako Eskolan:
10:30 Maridomingiren etorrera. Goizean gela bakoitzak jasoko du gutuna, 10:30etan soinu berezi baten bidez elkartuko gara. Kanta. Kontakizuna. Jolasak.
12:00 Gabon kantak senideekin Errebote plazan.
Ondoren, Guraso Elkarteak hamaiketakoa eskainiko du Zubietako plazan. Txistorra, edaria, musikaz lagunduta.
Udarregi Ikastolan:
09:30-10:50 LH eta DBH-koen gabon kanta saioa:
-LHkoen ibilbidea: "Agerialdetik ikastola gorrira, Haur Eskolara, Kale Zaharreko plazara, aldapatik jaitsi eta Eroskiko biribilgunera, Zubiaurrenea kaletik Bordatxoko biribilgunera eta handik ikastolara".
-DBHkoen ibilbidea: "Eraikin gorritik Mikel Laboa plazara, beheko botikako plazara, Artzabalera eta handik ikastolara".
11:25 HH-ko haurren gabonetako kantu saioa. Ibilbidea: "Agerialdetik abiatu eta ikastola gorrira, han lehen geldialdia. Ondoren biribilgunean, Olentzeroren aurrean eta azken geldiunea frontoian izango da. Bertan, ikasitako gabon kanta guztiak gerturatzen garenok elkarrekin abestuko ditugu".
17:00 Olentzero eta Mari Domingiren etorrera Haur Eskolako 2-3 urteko geletara.
Ondoren, jolastokian haur, hezitzaile, guraso eta herritarrak elkartu eta gabon kantak abestuz kalejira frontoira.
18:15ak aldera, frontoira iristea. Haur Eskolakoentzako askaria, musikak girotua; pintxo eta sagardo dastaketa.
19:00 Antzerkia Aginagako ludotekan: "Xinpronia eta Olentzerorentzako eskutitzak". "Gabon gauerako azken lanak egiteko izaten dira; horietako bat Olentzerorentzat eskutitzak jasotzea. Aurten Xinpronia azalduko da eskutitz horiek jasotzera eta bisita aprobetxatuaz ipuin eta pasarte batzuk kontatuko ditu".
Antolatzailea: Antxomolantxa Elkartea.
Abenduak 24, larunbata
Gabon kantak abesteko kalejirak:
09:00 Gabon kantak abesteko kalejira Aginagan, eliza ataritik abiatuta. Antolatzailea: Aginagako Parrokia.
17:00 Kaxkoan: Parrokiakoen irteera. Antolatzailea: Usurbilgo Parrokia.
17:30 Euskal preso eta iheslarien eskubideen aldeko Olentzero-jira, Mikel Laboa plazatik abiatuta. Antolatzailea: Usurbilen Nahi Ditugu, herri eragile gehiagorekin elkarlanean.
18:00 Olentzeroren irteera Santuenean. Antolatzailea: Santuenea Elkartea.
19:00 Kaxkoko kalejiren amaiera bateratua frontoian.
Oharra: behin behineko egitaraua.