Eguberrien atarian gara jada. Ohi bezala, usadio zaharrei segida emango zaie urte amaierarako antolatu diren ekimenen artean. Abenduaren 24an esaterako. Kaxkoan, Aginagan, Santuenean edota Zubietan urte garai honi begirako kantu-jira bereziak antolatu dira. Egun osoz, herriko txoko ezberdinetatik helduko zaigu gabon kanten oihartzuna. Hitzorduok prestatzeko zenbait entsegu saio deitu dituzte egunotarako:
ENTSEGUAK
Abenduak 20, asteartea
18:30-19:30 Abenduaren 24ko euskal presoen eskubideen aldeko Olentzero-jira prestatzeko entsegua, Udarregi Ikastolako kantu gelan.
Antolatzaileak: Kantu Taldea, Usurbilen Nahi Ditugu.
Abenduak 23, ostirala
18:00 Abenduaren 24ko Zubietako gabon kanten saioa prestatzeko entsegua Kaxkapen.
Antolatzailea: Zubietako Guraso Elkartea.
KANTU SAIOAK
Abenduak 24, larunbata
09:00 Aginagan, eliza ataritik abiatuta. Antolatzailea: Aginagako Parrokia.
16:30 Zubietan, Artzabaletatik abiatuta. Antolatzailea: Zubietako Guraso Elkartea.
17:00 Kaxkoan: Parrokiakoen irteera. Antolatzailea: Usurbilgo Parrokia.
17:30 Euskal preso eta iheslarien eskubideen aldeko Olentzero-jira, Mikel Laboa plazatik abiatuta. Antolatzailea: Usurbilen Nahi Ditugu, herri eragile gehiagorekin elkarlanean.
18:00 Olentzeroren irteera Santuenean. Antolatzailea: Santuenea Elkartea.
19:00 Kaxkoko kalejiren amaiera bateratua frontoian.
IKASLEEN KANTU SAIOAK
Abenduak 23, ostirala
Aginagako Eskolan:
10:30 Ikasleen gabon kantuen saioa Aginagako Eskolatik abiatuta.
Zubietako Eskolan:
10:30 Maridomingiren etorrera. Goizean gela bakoitzak jasoko du gutuna, 10:30etan soinu berezi baten bidez elkartuko gara. Kanta. Kontakizuna. Jolasak.
12:00 Gabon kantak senideekin Errebote plazan.
Ondoren, Guraso Elkarteak hamaiketakoa eskainiko du Zubietako plazan. Txistorra, edaria, musikaz lagunduta.
Udarregi Ikastolan:
09:30-10:50 LH eta DBH-koen gabon kanta saioa:
-LHkoen ibilbidea: "Agerialdetik ikastola gorrira, Haur Eskolara, Kale Zaharreko plazara, aldapatik jaitsi eta Eroskiko biribilgunera, Zubiaurrenea kaletik Bordatxoko biribilgunera eta handik ikastolara".
-DBHkoen ibilbidea: "Eraikin gorritik Mikel Laboa plazara, beheko botikako plazara, Artzabalera eta handik ikastolara".
11:25 HH-ko haurren gabonetako kantu saioa. Ibilbidea: "Agerialdetik abiatu eta ikastola gorrira, han lehen geldialdia. Ondoren biribilgunean, Olentzeroren aurrean eta azken geldiunea frontoian izango da. Bertan, ikasitako gabon kanta guztiak gerturatzen garenok elkarrekin abestuko ditugu".
17:00 Olentzero eta Mari Domingiren etorrera Haur Eskolako 2-3 urteko geletara.
Ondoren, jolastokian haur, hezitzaile, guraso eta herritarrak elkartu eta gabon kantak abestuz kalejira frontoira.
18:15ak aldera, frontoira iristea. Haur Eskolakoentzako askaria, musikak girotua; pintxo eta sagardo dastaketa.
