Gerturatzen doa erraustegia eraikitzeko eta kudeatzeko lanak esleituko diren eguna; abenduaren 27a. Egun horretan, Gipuzkoako Hondakinen Kontsortzioak (GHK) egingo duen batzarrean, erakunde bereko Kontratazio Mahaiak eginiko proposamena onartzea eskatuko dio erakundeko asanbladari. Mahai tekniko honek, lizitazio deialdira aurkeztu diren 3 enpresa taldeen eskaintzak baloratu ditu, ikuspegi tekniko edota ekonomikotik. Puntuazio hoberenetik kaxkarrarena ordenatu eta sailkapen honetan kokatu ditu 3 enpresa taldeak:
1-Meridiam Investments SAS.;Urbaser, S.A.; Altuna y Uria, S.A.; Construcciones Moyua, S.L.; Construcciones Murias, S.A.; LKS Ingienería, S.COOP. 901,88 puntu
2- Fomento Construcciones y Contratas; Sartech Engineering. 896,68 puntu
3-Construcciones y Promociones Balzola S.A.; Valoriza Servicios Medioambientales, S.A.; Valoriza Gestión, S.A. 631,61 puntu
Sailkapen honen arabera, GHK-ren Kontratazio Mahaiak, erraustegia eraiki eta kudeatzeko lanak Meridiam Investments SAS.;Urbaser, S.A.; Altuna y Uria, S.A.; Construcciones Moyua, S.L.; Construcciones Murias, S.A.; LKS Ingienería, S.COOP. enpresa taldeari esleitzea hobetsi du. Puntuazio aldetik oso gertu geratu da, bigarren enpresa talde sailkatua; Fomento Construcciones y Contratas; Sartech Engineering.
Kontratazio Mahaiak sailkapen hau onartzea eskatuko dio GHK-ren asanbladari, abenduaren 27an egingo duen batzarrean. Batzar horretan onartuko da ofizialki, erraustegiko lanak zein enpresa talderi esleituko zaizkion.
Esteka honetan jaso dezakezue datu guztion berri, baita esleipen deialdira aurkezturiko lehiakideen eskaintzek jaso duten balorazio ekonomiko eta teknikoaren inguruko xehetasunen nondik norakoak ere:
Deialdi ugari
Lizitazio egunerako protesta ekintza deitu du Erraustegiaren Aurkako Mugimenduak. Baina deialdi gehiago ere badira aurretik, egunotarako:
Abenduak 17, larunbata
18:00 Merienda-bilkura Donostiako Gipuzkoa plazan.
Deitzailea: GuraSOS.
Abenduak 19, astelehena
19:00 Erraustegiaren Aurkako Usurbilgo Taldearen batzarra Sutegiko auditorioan. Jorratuko duten gaia: San Marko Mankomunitatetik irteteko dagoen aukeraren gaineko informazioa eskainiko da.
Abenduak 22, osteguna
19:00 Usurbilek hondakinen kudeaketa eredu propioa izateko Usurbilgo Udalak egin duen lanketaren aurkezpena Potxoenean.
Antolatzailea: Usurbilgo Udala.
Abenduak 27, asteartea
12:00 GHK-k erraustegia eraiki eta kudeatzeko lanak esleituko dituen egun berean, protesta ekintza Donostiako Gipuzkoa plazan, "Erraustegia=heriotza eta zorra, ez gure izenean!" aldarripean.
Deitzailea: Erraustegiaren Aurkako Mugimendua.
