Usurbil urte berrirako udal aurrekontuak izatetik gertuago dago, astearte honetan egin den ezohiko osoko bilkuran hasieraz onartu ostean. Gai gehiago ere jorratu dituzte. Hona bozketen emaitzak:
- Hiri Antolamenduko Arau Subsidiarioetako A-59 (Ugartondo) Eremuari dagokion Barne Erreformarako Plan Bereziaren aldaketa behin betikoz onartzea. Bozketa: EHBildu alde; abstentzioa EAJ eta PSE.
- Usurbilgo Udalaren ahots eta datu komunikaziorako sarearen beharrezko elektronika hornitzea, sarearen mantentze eta laguntza teknikoko lanak burutzea, sarearen kudeaketa eta instalakuntza zerbitzuak emateko kontratuaren esleipena. Bozketa: EHBildu eta PSE alde; abstentzioaren alde EAJ.
- 2017ko Aurrekontu Proiektuaren hasierako onarpena. Bozketa: EHBildu alde; PSE abstentzioa; EAJ aurka.
- 2017ko Lanpostuen Zerrendaren eta Plantilla Organikoaren hasierako onarpena. Bozketa: EHBildu eta PSE alde; EAJ abstentzioa.
- Mozioa: Poliomilitisak jota izan ziren eta gaur egun ondorio berantiar edo post-polio sindromea (PPS) jasatzen ari diren lagunentzat sostengua. Bozketa: aho batez onartua.
- Mozioa: Urbil inguruko bidegorri-zatiaren inaugurazioa. Bozketa: mozioko lehen eta hirugarren puntuak aho batez onartuak. Bigarren puntuan EHBildu alde; EAJ abstentzioaren alde; PSE aurka.
