Eragile ezberdinak Usurbilgo Kaleragunea bisitatzen ari dira asteotan; ostegun honetan, Etxerat-eko kideak izan dira "Kalera kalera!" ekimena babesten, Dema plazako karpagunean.
"Une erabakigarrian gaudela uste dugu. Alde batetik, estatuen inmobilismoa dugu, gaur egun ere euskal gizartearen zati batentzat duela bost edo hamar urteko egoera bera mantentzen duena; hots, espetxe politika bera, presio, zigor eta oinaze maila berdinekin. Bestalde, estatuengandik ezer espero ezin duen jakitun den gizarte bat, eta horregatik, aktibatzen ari dena, espazio ezberdinetan lan egiten ari dena, arriskuak hartuz ere, eta konpromiso, ardura eta heldutasun ukaezina erakutsiz. Espazio guzti hauetan ere, Giza Eskubideen defentsaren inguruko lana dago, gaur egun salbuespen politikek urratuak. Azken hauek, 30 urtetan aktibo jarraitzeaz gain, indar gehiago hartzen ari dira gobernu espainiar eta frantsesaren aldetik. Espazio honek beti izango du gure bermea, eta Kalera Kaleran aurkitu dugu espazio hau. Gure senideen eskubideak dira, batzuk espetxean, beste batzuk ihesean. Bi kolektibo hauen konponbide eta bakearekiko konpromisoa, baztertua izan da bi estatuengandik. Gure eskubide propioak eta bakearekin zein konponbidearekin dugun konpromisoa era berean ukatua izan da, eta kriminalizatua ere. Giza eskubideen, bakearen eta konponbidearen konpromisoan, ezin zen gure bermea falta Kalera Kalera ekimenari", adierazi dute Etxerat-eko kideek.
Irudia: Etxerat.
Kalera Kalera! Bakea eta Askatasuna irabaztea!
Abenduak 23, ostirala
Presoen alde kantuan. Abeslarien emanaldia.
Abenduak 25, igandea
13:00 "Ez daudenen mahaia". "Ez daudenen mahaiaren irudikapena egingo da Usurbilgo Kalera gunean. Mahai handi bat prest izango dugu, momentu horretan Espainia zein Frantziako espetxeetan dauden preso kopurua aintzat hartuta eta beraien hutsunea irudikatzeko".
Abenduak 27, asteartea
19:00 Hitzaldia: "Gatazkaren ondorioak: zenbakiak eta irizpideak".
Hizlaria: Iñaki Egaña (Euskal Memoria fundazioa).
Zehaztasunak: "Kontakizunaren guneak garrantzia handia hartu du. Dagoeneko, hurbileko historia, ezagutzen dugunez, azalean dago oraindik orain. Etorkizunari begira, bistan da ez dela kontakizun bakarra egongo. Halere, kontakizuna eraiki behar da, geurea, nazioarteko irizpideen harira, giza eskubideen urraketen arabera. Guk, egia eta bakearen bila aritzen garen bitartean, kontakizun hori gure datuekin, gure zenbakiekin, gure lekukotasunen testigantzekin, bete behar dugu. Orain arte emandako urratsak eta hartutako irizpideak, baita marko kronologikoari dagozkiona ere, izango dira hitzaldi honen helburuak".
Abenduak 28, asteazkena
-Gazteen agerraldia.
19:30 “Kartzela eta literatura”:
-Mahai-ingurua: Jokin Urain “Kixkur” idazlea eta preso ohia; Olatz Altuna Zumeta preso ohia…
-Errezitaldia: Jose Luis Otamendi, Kattalin Miner…
Abenduak 29, osteguna
12:00 Agerraldi politiko musikatua frontoian.
19:00 Mahai-ingurua: “Emakumeak patriarkatuaren kartzeletan preso”.
Parte hartzaileak:
• Maria Ruiz Torrado antropologo feminista. "Kartzela genero-erakunde bezala: genero-bereizkeriak, erresistentzia-praktikak eta agentzia Euskal Herrian espetxeratutako emakumeen artean"; deritzon doktore tesiaren egilea. Kartzela egitura ikuspegi feministatik aztertu du.
• Oihana Etxebarrieta Legrand. Senide izandakoa, feminista eta ikerlaria. “Erlazio afektibo sexualak espetxe garaian askatasun (g)une? Hainbat euskal emakumeren esperientziak” ikerketaren egilea. Espetxea tarteko duten bikote harremanak aztertu ditu euskal preso politikoen kasuan.
• Mertxe Galdos Arsuaga. 20 urte egin ditu kartzelan eta horietako 7 erabat bakartua eta isolatuta Malagako kartzelan. Isolamendu egoera horren kontakizuna egingo du.
• Dinamizazio eta aurkezpen lanetan Olatz Dañobeitia Ceballos.
Abenduak 30, ostirala
18:00 Euskal Herriko Mugimendu Feministaren eta eremu anitzetako feministekin asanblada.
20:30 Amaiera ekitaldi animatua frontoian.
Abenduak 31, larunbata
Goizean, Martuteneko espetxera martxa. Lehen zutabea 11:00etan abiatuko da Hernaniko Zinkoeneatik eta bigarrena, 11:30etan Egiako epaitegitik."Helburua, euskal preso politikoen kaleratzea eskatzea izango da eta, honekin batera, gure berotasuna helaraztea une berezi honetan euskal presoen kolektiboari, “Kalera, kalera” abestuz eta kandelaren sugarrarekin".
20:00 Brindisa: "presoen aldeko gabon zaharreko Brindisa".
Urtarrilak 1, igandea
12:00 Eguberrietako kontzertua Kaleragunean: Aitor Furundarena eskusoinuarekin.
Eskualde mailako deialdia: Adarra gailurrera mendi martxa, euskal preso eta iheslarien alde.
08:30 Xoxoka ostatuan biltzeko hitzordua.
10:30 Ekitaldia Adarra mendiko gailurrean.
Ekitaldiaren ostean, argazkia presoen aldeko ikurrekin.
Urtarrilak 2, astelehena
18:00 Xabier Amurizaren hitzaldia Sutegin: “Bertsolaritza eta kartzela”.
19:00 Zamoran preso egon ziren abadeen hitzaldia Sutegin: “Gogorkeriaren aurkako gogortasuna” GOGOR Taldea.
Urtarrilak 3, asteartea
18:30 Allur Dantza taldearen emanaldia.
Urtarrilak 4, asteazkena
18:30 Umorea Ekaintxou pailazoaren eskutik.
Urtarrilak 6, ostirala
19:00 Kalejira erraldoia Donostiako Kontxako Badian: kandeladun giza-katea. "“Kalera, kalera! Bakea eta Askatasuna irabaztera!” lemapean, urtarrilaren 6an, arratsaldeko 19:00etatik aurrera, Haizearen Orraziatik Oteizaren Paseo Berriko eskulturara bitarte egingo dena. Kalejira erraldoia izango da".
Urtarrilak 7, larunbata
21:00 Kontzertu erraldoia: "Sorpresaz beteriko kontzertu erraldoia (Abeslariak bertsolariak,....)".
Urtarrilak 8, igandea
Kaleragunearen itxiera.
Oharra: egitarau honi, Usurbilen Nahi Ditugu bilguneak deituriko ekimenak batu behar zaizkie:
Abenduak 24, larunbata
17:30 Euskal preso eta iheslarien eskubideen aldeko Olentzero-jira, Mikel Laboa plazatik abiatuta. Antolatzailea: Usurbilen Nahi Ditugu, herri eragile gehiagorekin elkarlanean.
Informazio gehiago:
Facebook: Kalera kalera
Twitter: @kalera_kalera
Antolatzailea: Kalera Kalera! ekimena.