Euskal preso, iheslari eta deportatuen etxeratzea eskatzeko elkartasun eta aldarrien Kaleragunea azken astera heldu da. Urtarrilaren 8ra arte halere, ekitaldirik ez da faltako. Hasteko, gaur, Xabier Amurizaren eta Zamoran preso egondako abadeen hitzaldi bana antolatu dute Potxoenean.
Giza-katean parte hartzeko deia
Suargiekin askatasunaren argia pizteko deia luzatua dute Usurbilgo Kaleragunetik, urtarrilaren 6an 18:30etan Donostiako Kontxako badian antolatu duten giza-katean. Euskal Preso Politikoen Kolektiboak iragarritako hausnarketa prozesuari bultzada eman eta mobilizazio ziklo berri hasiera emateko deitu duten ekimen honetara gonbidatzen dute herritar oro, "bereziki konbokatu nahi ditugu azken 40 urte hauetan amnistiaren eta askatasunaren alde borroka egin duen pertsona oro".
Eskualdeka osatuko da giza-katea. Eskualdearen arabera, biltzeko bi leku finkatu dituzte. Buruntzaldeko herritarrak, hilaren 6an 18:30etan Donostiako Alderdi Ederren hitzartu dituzte. Gogoan izan, suargi bat eraman beharko du giza-katean parte hartu nahi duen pertsona bakoitzak. Ekimen honek, Haizeen Orrazia eta Oteizaren Paseo Berriko eskultura lotuko ditu. Giza-katea osatu ostean, 19:00etan amaituko da ekitaldia, Kontxako Erlojuen gunean. Esteka honetan xehetasun gehiago: Kontxako giza-katea
Kalera Kalera! Bakea eta Askatasuna irabaztea!
Urtarrilak 2, astelehena
18:00 Xabier Amurizaren hitzaldia Potxoenean: “Bertsolaritza eta kartzela”.
19:00 Zamoran preso egon ziren abadeen hitzaldia Potxoenean: “Gogorkeriaren aurkako gogortasuna” GOGOR Taldea.
Urtarrilak 3, asteartea
18:30 Allur Dantza taldearen emanaldia.
Urtarrilak 4, asteazkena
18:30 Umorea Ekaintxou pailazoaren eskutik.
Urtarrilak 6, ostirala
18:30 Kandeladun giza-kate erraldoia Donostiako Kontxako Badian, Donostiako Haizearen Orraziatik Oteizaren Paseo Berriko eskulturara bitarte.
Urtarrilak 7, larunbata
21:00 "Sorpresaz beteriko kontzertu erraldoia (Abeslariak bertsolariak,....)".
Urtarrilak 8, igandea
Kaleragunearen itxiera.
Informazio gehiago:
Facebook: Kalera kalera
Twitter: @kalera_kalera
Antolatzailea: Kalera Kalera! ekimena.
