Urtarrilaren 21eko Kongresuaren aurretik, birfundazio prozesuko azken batzarra egingo du Usurbilgo Sortuk. Urtarrilaren 7an izango zela iragarri genizuen arren, asteazken honetan, hilaren 18an 19:00etan Potxoenean izango da azkenean. Emendakinen eztabaida eta zerrenda irekien hautaketa bideratuko dute saio horretan.
Birfundazio prozesuaren egutegia
-Azaroak 4: Birfundazioaren aurkezpena eta afaria egin zuten Aitzaga Elkartean.
-Azaroak 19: Ponentzia eta zuzendaritza taldeen hautaketa.
-Abenduak 3: Emendakin partzialak eta zerrenda irekien hautagaiak.
-Urtarrilak 19, 19:00 Potxoenean: Emendakinen eztabaida eta zerrenda irekien hautaketa.
-Urtarrilak 21: prozesuaren amaierako Kongresua.
Informazio gehiago: partehartu.sortu.eus
Kongresua larunbatean Bilbon
Hilabeteotako birfundazio prozesua larunbatean, 10:30-13:30 artean Bilboko Euskalduna jauregian egingo duten biltzarreran borobilduko du Sortuk. Zohardia txostena eta Kontseilu Nazionala osatuko dituzte. Nazioarteko 40 alderdi baino gehiagoko kideak espero dira.
