Bi mozio; "Guernica" Gernikara delakoa, bestea Martxoaren 8ari loturikoa. GHK-ren 2017ko tarifak auzibidean errekurritzea, gipuzkoarren partaidetzarako erakunde arteko espaziora atxikitzea, igogailuak instalatzeko ordenantza, udalean genero mainstreaming estrategia sustatzeko konpromisoa... Gai anitz jorratuko ditu Usurbilgo Udalak, astearte arratsalde honetarako, 18:00etan hasita deitu duen osoko ohiko bilkuran:
OSOKO OHIKO BILKURA
Eguna: otsailak 28, asteartea.
Ordua: 18:00.
Tokia: Usurbilgo Udalaren udalbatza aretoa.
Deitzailea: Usurbilgo Udala.
Gai zerrenda:
1.- Aurreko bilkurako aktaren onespena: * 2017/01/31ko bilkura.
2.- Alkatetzako dekretu hauen berri ematea: 2017ko urtarrilaren 23tik otsailaren 17ra (2017/0064- 2017/0157).
3.- Gipuzkoako Hondakinen Kontsortzioaren hondakinen goi kudeaketa zerbitzugintzaren 2017 ekitaldirako tarifak auzibidean errekurritzea.
4.- Gipuzkoako Lurralde Historikoko Herritarren partaidetzarako erakunde arteko espaziora atxikitzea.
5.- EAJ-PNV udal taldeko zerrendaburuaren arduraldi partziala.
6.- Aurrekontua gauzatzeko Udal Arauaren 9. artikulua egokitzea.
7.- 2017. urteko Lanpostuen Zerrendaren aldaketa.
8.- Igogailuak instalatzeko ordenantza bertan behera uztea. Hasierako onarpena.
9.- Usurbilgo Udalean genero mainstreaming estrategia sustatzeko ardura hartzeko konpromezua.
10.- Andoaingo Udalari eskualdeko lankidetza hitzarmenaren ordezkaritza lagatzea Toki Garapenaren, Sustapen Ekonomikoaren eta Enpleguaren alorrean.
11.- “Guernica” Gernikara mozioa.
12.- 2017 martxoak 8 mozioa.
13.- Galdera-eskaerak.
