Esku-orrien bidez 30 eskaera eta Internetez beste 22 eskaera jaso ditugu NOAUA!n. Guztira honenbestez, 52 lagunek eskatu dituzte, Errigorak abian jarritako "Uztaberria" elkartasun kanpainaren baitan, eskuragarri zeuden Nafarroa hegoaldean ekoitzitako oliba-olio bidoi eta kontserbak. Adi orain banaketei. Oliba olio bidoiak martxoaren 30 eta 31n banatuko ditugu NOAUA!n bertan. Kontserbak ekainaren 1 eta 2an, NOAUA!ren egoitzan baita. Produktuok jasotzerakoan egin beharko dituzue ordainketak. Argibide gehiagorako:
943 360 321
elkartea@noaua.eus
Bi kanpainak batean
Iaz arte, oliba-olio bidoien kanpaina batetik eta bestetik kontserbena egiten zuten, bereizita. Bi kanpainok bateratu ditu Errigorak aurtengoan, “urtean bi udaberri izango bagenitu, bigarrena ez litzateke berria izango” eta.
Uztaberri bakarra izango dugu, eta aipatu moduan berdea, “izan ere, lehenengoz, Eskutik Eskura eskaintzen diren produktu guzti-guztiak ekologikoan eskuratu ahal izango dituzu. Udazkenean, Errigorago joan eta izatearekin amestu genuen. Bada, aurtengo eskaintza berdearekin, hasi gara dagoeneko ametsak egi bihurtzen, nekeza izan bada ere”.
Kanpaina honi begira, gaineratzen dutenez, "gogotik egin dugu lan: ekoizle gehiago topatu behar izan dugu, nekazari eta elaboratzaileak harremanetan jarri, nekazari-sindikatu eta ekoizpen-kontseiluekin lankidetza bideak garatu... Eta, hala ere, agroekologiaren bide luzearen lehen urratsak baino ez ditugu eman. Leiho txikiak zabaldu ahala, ordea, Nafarroa hegoaldeko landa eremuan eragiteko ate berriak ireki zaizkigu. Oraindik Errigorago eramango gaituzten ateak. Orain artekoak bezala, guztion artean zabalduko ditugun ateak: auzolanean eta elkarlanean".
OLIO BIDOIAK | |||
ESKU-ORRIAK (30 ESKAERA) | INTERNETEZ (22 ESKAERA) | GUZTIRA | |
Olio Konbentzionala | 31 | 11 | 42 |
Olio Ekologikoa | 35 | 20 | 55 |
Olio Lotea | 5 | 3 | 8 |
KONTSERBAK | |||
ESKU-ORRIAK (30 ESKAERA) | INTERNETEZ (22 ESKAERA) | GUZTIRA | |
Piperrak | 16 | 6 | 22 |
Piper ekologikoak | 6 | 2 | 8 |
Zainzuriak | 14 | 8 | 22 |
Zainzuri ekologikoak | 4 | 2 | 6 |
Orburuak | 10 | 4 | 14 |
Orburu ekologikoak | 3 | 0 | 3 |
Menestra | 4 | 4 | 8 |
Menestra ekologikoak | 2 | 0 | 2 |
Potxak | 1 | 4 | 5 |
Potxa ekologikoak | 1 | 1 | 2 |
Tomatea | 3 | 2 | 5 |
Tomate ekologikoak | 6 | 4 | 10 |
Kremak | 1 | 1 | 2 |
Krema ekologikoak | 0 | 1 | 1 |