Hemen da 2016ko errenta eta aberastasuna aitortzeko kanpaina berria. Astearte honetatik, zabalik dago errenta mekanizaturako hitzordua eskatzeko epea. Kontuan izan data hauek:
-Apirilak 6-ekainak 26: autolikidazio proposamenak onartzea.
-Apirilak 11-ekainak 5: errenta mekanizaturako hitzordua eskatzea. Epea luzatu daiteke, ordu libreak egonez gero.
-Apirilak 18-ekainak 26: Internet bidez nahiz mekanizatutako modalitatezko errenta (aberastasunarenak Internet modalitatez) aurkezteko epea.
Informazio gehiago:
902 100 040
Errenta Aitorpena euskaraz egiteko deia
Errenta Aitorpena euskaraz egiteko geroz eta aukera gehiago dagoela gogorarazten dute Buruntzaldeko udalek. Autolikidazio proposamena jaso baduzu jada onartzeko epea zabalik dago. "Proposamena onartu behar duzunean, telefonoz edo Internetez, galdetu egingo dizute euskaraz ala gaztelaniaz egin nahi duzun. Aukeratu Euskara. Handik aurrerako proposamenak eta harremanak euskaraz egingo dizkizute automatikoki Foru Ogasunetik", gogorarazi dute.
Bestalde, buruntzaldea.eus atarian duzue, laguntza behar izanez gero, kalitatezko euskarazko zerbitzua eskaintzen duten eskualde osoko gestorien aurkibidea. "Behar dituzun azalpen guztiak emango dizkizute euskaraz ere uler dezazun errentaren aitorpena. Behin lehendabiziko aldiz eginez gero ez diozu berriro zailtasunik ikusiko", diote.
Honatx 2011-2015 urte artean errenta aitorpena euskaraz tramitatu dutenen inguruko datuak. Argi ikus daitekeenez, geroz eta herritar gehiago dira Errenta Aitorpena aurkezteko euskara hautatzen dutenak:
| 2010 | 2011 | |||||
|---|---|---|---|---|---|---|
| Guztira | Euskaraz | % | Guztira | Euskaraz | % | |
| Andoain | 8.039 | 777 | 9,66 | 8.003 | 880 | 11 |
| Astigarraga | 2.620 | 297 | 11,33 | 2.749 | 334 | 12,5 |
| Lasarte-Oria | 9.930 | 596 | 6 | 10.021 | 640 | 6,38 |
| Hernani | 10.491 | 1.400 | 13,34 | 10.454 | 1.490 | 14,25 |
| Urnieta | 3.318 | 325 | 9,79 | 3.290 | 356 | 10,82 |
| Usurbil | 3.427 | 591 | 17,44 | 3.388 | 635 | 18,74 |
| 2013 | 2015 | |||||
|---|---|---|---|---|---|---|
| Guztira | Euskaraz | % | Guztira | Euskaraz | % | |
| Andoain | 7.737 | 948 | 12,41 | 7.492 | 1.117 | 14,90 |
| Astigarraga | 2.898 | 406 | 14,01 | 3.147 | 490 | 15,57 |
| Lasarte-Oria | 9.486 | 753 | 7,94 | 9.275 | 796 | 8,58 |
| Hernani | 10.020 | 1.725 | 17,22 | 9.986 | 1.899 | 19,01 |
| Urnieta | 3.569 | 389 | 13,11 | 3.052 | 449 | 14,71 |
| Usurbil | 3.276 | 728 | 22,22 | 3.218 | 872 | 27,09 |
* Oharra: Astigarragan ez dago errenta euskaraz egitea eskaintzen duen gestoriarik
