Oporraldiko bigarren astean dira haur eta gaztetxoak, datorren astelehenera arte, apirilaren 24ra arte. Hamabostaldi honetarako ordea, ez dute aspertzeko tarte handirik izango. Usurbil F.T.-k kirol txokoak antolatu ditu, Gaztelekuak ere hainbat ekintza eta Aginagan, bertako eskolako guraso taldeak ere txokoak prestatu ditu. Honatx xehetasunak:
Usurbil F.T.-ren kirol txokoak
Gaztetxo futbolarien topaketa ospatu zuten aurreko oporraldian. Atseden egunotarako kirol txokoak antolatu ditu Usurbil F.T.-k Haranen. Kirol jarduera ezberdinetan parte hartzeko aukera eskaintzen duten txokoak, apirilaren 18tik 22ra izango dira, goizez, 09:30-12:30 artean. Izen ematea itxita dago.
Gaztelekuko ekintzak
Irteera eta Konkis Egun arrakastatsua antolatu dituzte Gaztelekuan aste honetarako:
Apirilak 20, osteguna
15:00 Gaztelekutik Igeldora txangoa (Tximistarrira).
Nori zuzendua: DBH2.
Apirilak 22, larunbata: 3. KONKIS EGUNA
16:00 Gaztelekuan.
Izen ematea eta informazio gehiago: Gaztelekuan.
Antolatzailea: Gaztelekua.
Txokoak Aginagan
Aginagako Eskola Txikiko Guraso Elkarteak oporraldi honetarako (apirilaren 10tik 12ra eta 18tik 21era) txokoak antolatu ditu haurrentzat Aginagako ludotekan, goizez, 09:00-13:00 artean (sarrera 10:00ak arte). Izen ematea martxoaren 17an itxi zuten.