Ostiral honetan emango zaio amaiera, Herritzartuk erabakitze eskubidearen inguruan azken asteotan antolatu duen hitzaldi zikloari. "Erabakitze eskubidea alderdi politikoen ahotan", izenburu hauxe darama, Herritzartuk maiatzaren 7ko herri galdeketari begira, asteotarako antolatu duen hitzaldi zikloko azken saioak. Ostiral honetarako, apirilak 21, 19:00etan Sutegin antolatu duen ekitaldirako hiru solaskide ezagun gonbidatu dituzte; Marian Beitialarrangoitia (EHBildu), Luke Uribetxeberria (EAJ-PNV) eta Juantxo Iturria (Ahal Dugu-Podemos). Fermin Munarriz kazetariak gidatuko du saioa.
USURBILGO HERRI GALDEKETA
Datozen deialdiak
Apirilak 21, ostirala
19:00 Hitzaldia Sutegin: “Erabakitze eskubidea alderdi politikoen ahotan”. Hizlariak: Luke Uribetxeberria (EAJ-PNV), Marian Beitialarrangoitia (EHBildu) eta Juantxo Iturria (Ahal Dugu-Podemos). Elkarrizketatzailea: Fermin Munarriz (kazetaria).
Apirilak 29, larunbata
Erabaki Fest jaialdia egun osoan Kaxkoan:
12:00 Mosaiko erraldoia, Mikel Laboa plazatik abiatuta: "M7 erabaki" esaldia osatuko da.
Eguerdian, zikiro jana frontoian. Txartelak apirilaren 23ra arte salgai Artzabal, Irrati, Bordatxo, Aitzaga, Txiriboga eta Patri tabernetan. Prezioa: 23 euro. Langabetuek 15 euro. Haurrentzako paella 8 eurotan.
18:30 Elektrotxaranga.
Apirilak 27-28 eta maiatzak 2-6
Herri kontsultarako aurrez bozkatzeko aukera Herritzartuk Etxebeste kalean duen egoitzan. Ordutegiak:
-Apirilak 27, 18:00-20:00.
-Apirilak 28, 19:00-21:00.
-Maiatzak 2, 18:00-20:00.
-Maiatzak 3, 11:00-13:00/18:00-20:00.
-Maiatzak 4, 18:00-20:00.
-Maiatzak 5, 19:00-21:00.
-Maiatzak 6, 11:00-14:00.
Maiatzak 7, igandea
09:00-20:00 Galdeketa. Bozka lekuak:
-Kaxkoan: Kontseju zaharra kalea etxe atarian.
-Kalezarren: Haur Eskola eta Ugarte baserri ondoko markesina parean.
-Santuenean: Ibai Ondo elkarte ondoko plazan.
-Aginagan: apaiz-etxean.
Oharra: bolondresak behar dira goiz eta arratsaldeko txandetan, bozka mahaietan egon edo laguntzaile lanetan aritzeko. Izen ematea, Herritzarturen lokalean.
Hartuemanetarako:
usurbilgureeskudago@gmail.com
Facebook: Gure Esku Dago Usurbil
Twitter: @GureEskuDagoU
Antolatzailea: Herritzartu Elkartea.