Jose Luis Zumeta eta Usoa Zumeta duela bost bat urte hasi ziren Usurbilgo Txikierdiko estudioan lanean. Erakusketa gela bat zabaldu berri dute eta gaur egin dute sormen-gunearen zein erakusketaren aurkezpen ekitaldia. Xabier Arregi alkateak eta Zumeta aita-alabak hartu dute parte.
Jose Luisek azken bi urteotan ondu dituen hamabi oleo batu dituzte erakusketan. Hilaren bukaerara bitarte egongo da zabalik: asteartetik ostiralera, 11:00etatik 13:00etara, eta 17:00etatik 20:00etara. Larunbatetan, berriz, 11:00etatik 14:00etara. Aldez aurretik deitzea komeni.