Negu parteko etenaldiaren ostean martxoan hasi ziren ospatzen berriz, Usurbilgo Gaztetxeak antolatu ohi duen hileroko afari beganoa. Garai bateko ohitura berreskuratu nahi dute berriz; hilabete bakoitzeko bigarren ostegunean otordu hau antolatzearena alegia. Hurrengo hitzordua, ostegun honetarako, maiatzaren 11rako antolatu dute, iluntzeko 20:30etan Usurbilgo Gaztetxean. "Hainbat gutizia dastagai izango ditugu, beti ere borondatearen truke. Animatu elkarrekin afaltzera!", luzatu dute gonbita Usurbilgo Gaztetxetik.
Oraingoan, afaloste musikatua izango dute:
Afari beganoaren hitzordua
Eguna: maiatzak 11, osteguna.
Ordua: 20:30.
Tokia: Usurbilgo Gaztetxea.
Zehaztasunak: afaria borondatearen truke. Afalostean, Pelax eta Bilau-ren kontzertua.
Antolatzailea: Usurbilgo Gaztetxea.