Kultura, kirola, nekazaritza eta abeltzaintza, ingurumen eta gizarte zerbitzuen eremuetan 2017. urtean zehar egitasmo edo ekimen ezberdinak gauzatu ahal izateko edo baliabideetarako diru-laguntzen ebazpenak kaleratu berri ditu Usurbilgo Udalak, astearte honetako, maiatzaren 30eko Gipuzkoako Aldizkari Ofizialean. Guztira, 150.000 euro inguru banatuko ditu diru-laguntzetan, deialdira aurkeztu diren norbanako, talde, elkarte edo erakundeen artean.
Iragarkia argitaratuta, bihartik, maiatzaren 31tik aurrera alegazioak aurkezteko 10 eguneko epea egongo da. Honatx Udalak 2017ari begira banatuko dituen diru-laguntzen gaineko xehetasun gehiago:
Kultura
Emango den laguntza: 79.490,35 euro.
Eskatzaileak: 21.
Lagundutako egitasmoak: ikastaroak, irteerak, udako aisialdiko ekintzak, bestelako ekintzak...
Informazio gehiago: Kulturako 2017ko diru-laguntzak
Kirolak
Emango den laguntza: kirol taldeentzako 45.000 euro eta beste 1.000 euro kirol elkarteak ez diren taldeen kirol jarduerak laguntzeko.
Eskatzaileak: 11 kirol talde eta kultur edo bestelako elkarteetatik kirol jarduerak egiteko beste lau eskaera.
Informazio gehiago: Kiroletako 2017ko diru-laguntzak
Ingurumena
Emango den laguntza: 2.732 euro.
Eskatzaileak: 11.
Informazio gehiago: Ingurumeneko 2017ko diru-laguntzak
Nekazaritza eta abeltzaintza
Emango den laguntza: 10.000 euro.
Eskatzaileak: 11.
Eskatutakoa: materiala erosi edota baliabideetarako laguntzak nagusiki.
Informazio gehiago: Nekazaritzako eta abeltzaintzako 2017ko diru-laguntzak
Gizarte zerbitzuak
Emango den laguntza: 11.700 euro inguru.
Eskatzaileak: 17 elkarte.
Informazio gehiago: Gizarte zerbitzuetako 2017ko diru-laguntzak
Usurbilgo Udalaren ataria: usurbil.eus