Ikasturte amaieran garela nabari da, herriko kirol taldeak pixkanaka, 2016-17 denboraldia agurtzen doaz. Halere, badira oraindik hainbat hitzordu garrantzitsu. Eskubaloian, alebinen Gipuzkoako eskolarteko finalerdi eta finalak ospatuko dira asteburuan Oiardo Kiroldegian. Futbolean, Usurbil F.T.-k irailerako antolatu duen Usurbil Cup txapelketan izen emateko azken eguna da gaurkoa. Aginagan berriz, Gipuzkoako lau t´erdiko neurketak jokatuko dira ostiral honetan. Asteburuko kirol agenda zehatzago segidan:
Eskubaloia Kiroldegian
Ekainak 3, larunbata
09:30 Alebin neskak, Gipuzkoako Eskolarteko finalerdia: Udarregi 6 (Usurbil)-Elgoibar Ikastola 6
09:30 Alebin neskak, Gipuzkoako Eskolarteko finalerdia: Txantxiku 6A (Oñati)-Aitor Ikastola (Donostia).
11:00 Alebin mutilak, Gipuzkoako Eskolarteko finalerdia: Udarregi 6 (Usurbil)-Hirukide (Tolosa).
11:00 Alebin mutilak, Gipuzkoako Eskolarteko finalerdia: Maria eta Jose (Zumaia)-La Salle (Donostia).
Ekainak 4, igandea
10:00 Alebin neskak, Gipuzkoako Eskolarteko finala: Lehen finalerdiko irabazlea-Bigarren finalerdiko irabazlea.
11:30 Alebin mutilak, Gipuzkoako Eskolarteko finala: Lehen finalerdiko irabazlea-Bigarren finalerdiko irabazlea.
Selekzio arteko lehiara eta Leioara
Larunbatean Iruñerrian jokatuko den Nafarroa, Araba, Bizkaia eta Gipuzkoako Selekzioen arteko Euskadiko Txapelketan parte hartuko dute usurbildarrok:
-Kadete mutilak: Eneko Furundarena.
-Jubenil neskak: Eider Makazaga eta Nagore Lertxundi.
-Jubenil mutilak: Joseba Errazkin, Eneko Iribar eta Julen Nazabal.
Bestalde, ehun neska-mutiletik gora joango dira larunbatean Leioako Askartza Claret ikastetxean ospatuko den VIII. Ander Manzanedo Txapelketan parte hartzera.
Ekainak 7, asteazkena
17:30 Infantil nesken Gipuzkoako Selekzioaren entrenamendua, Errenteriako Beraungo frontoian. Usurbil K.E.-ko Udane Makazaga deitu dute hitzordura.
Usurbil Kirol Elkartearen batzar orokorra
Ekainaren 17rako deitua zuten arren, hilaren 16an ospatuko du Usurbil Kirol Elkarteak Batzar Orokorra 19:30etan hasita Potxoenean. Honatx jorratuko duten gai zerrenda:
1-Lehendakariaren agurra.
2-2016-17 denboraldiaren balantzea.
3-2017-18 denboraldirako aurreikuspenak.
4-Zuzendaritza Batzordearen eta bazkideen proposamenak.
(Oharra: proposamenen bat egin nahi duen bazkideak usurbilke@gmail.com helbidera helarazi behar du ekainaren 11 baino lehen)
5-Zuzendaritza batzordearen kargu uztea jakinaraztea 2017/06/30ean.
6-Zuzendaritza batzorde berria izendatzea, egoki bada, 2017/07/01etik aurrera jarduteko edo Zuzendaritza batzorde berririk ezean, Usurbil Kirol Elkartearen likidazio prozesua abian jartzea.
7-Galdera-eskaerak.
Usurbil Cup txapelketan izen emateko azken eguna
Usurbil F.T.-k irailerako antolatu duen kirol ekimenean parte hartzeko izen ematea zabalik izango da ostiralera arte, ekainaren 2ra arte. Izen emate orriak, Oiardo Kiroldegian jaso eta utzi beharko dituzte taldeek. “Animatu zaitezte!” luzatu dute gonbita antolatzaileek. Herriko ekimen jendetsuenetarikoa dugu Usurbil Cup. Iaz ere 34 taldeetan banaturiko LH 1 eta DBH 2 maila arteko 350 haur eta gaztetxok parte hartu zuten lagun arteko txapelketa honetan.
Aipatu moduan irailean zehar ospatuko da, eta ikusmina sortu ohi duen sari banaketarekin borobilduko dute.
Jarreran eragin nahian
Bereziki araudian eta jarreran eragin nahi izaten du urtero Usurbil F.T.-k. Txapelketa honetako xede nagusia haur eta gaztetxoen parte hartzea sustatzea eta ondo pasatzeko kirol ekimena izatea da antolatzaileek urtero gogorarazten dutenez.
Iazko irudiak:
2016ko Usurbil Cup txapelketaren aurkezpena
2016ko Usurbil Cup txapelketako sari banaketa
Pilota Aginagan
Eguna: ekainak 2, ostirala.
Ordua: 19:30.
Tokia: Aginagako frontoia.
Gipuzkoako lau t´erdiko partidak. Pilotariak: Galarraga, Albeniz, Iruretagoiena.