Urtebeterako lankidetza hitzarmena sinatu berri du Usurbilgo Udalak astearte eguerdi honetan Potxoenean, hiru eragileokin: DYA, Usurbilen Nahi Ditugu eta Usurbilgo Odol Emaileen Elkartearekin hain zuzen. Elkarteotako ordezkariak dituzue ondoko irudian sinatze unean, Xabier Arregi Usurbilgo alkatearekin eta gizarte ongizate saileko zinegotzi Jone Urdanpilletarekin batera. Hitzarmen honek eragile bakoitzak jasoko duen udal laguntza zehazten du.
