Ekintzailea izan eta Usurbilen hutsik dagoen merkataritza lokal batean jarduera ekonomiko berri bat jarri nahi duenak, udal diru-laguntza deialdira aurkeztu daiteke urriaren 31ra arte.
Diru-laguntza deialdia
Xedea: "Usurbilgo Udalaren diru-laguntzen oinarri erregulatzaileak ezartzea, norgehiagoka erregimenean, 2017. urtean jarduera ekonomiko berri bat abian jarri nahi duten ekintzaileei laguntzeko". Usurbilen hutsik dagoen merkataritza lokal batean jarduera ekonomiko berri bat abian ipini nahi duen ekintzaileari lokalaren alokairuan laguntzera bideratuko dira diru-laguntza hauek.
Lehentasuna izango dute: "herri gunean nahiz auzoetan gaur egun herritarrei eskaintzen ez zaizkien zerbitzuekin lotura duten proiektuek.
Ixtera doazen edo itxi berriak diren jardueren jarraipenekoak diren proiektuek".
Eskabideak: urriaren 31ra arte aurkeztu daitezke udal erregistroan.
Emango den laguntzaren zenbatekoa:
Gehienez ere lehenengo bi urteren alokairu gastuak diruz lagunduko dira:
-Lehenengo urtean alokairu gastuaren % 40a, gehienez ere 300 € hilean.
-Bigarren urtean alokairu gastuaren % 30a, gehienez ere 200 € hilean.
Baldintzak:
Jarduera mota: txikikazko herri merkataritzako jarduerak izatea, azken bezeroarekin edo herritarrekin harreman zuzena dutenak; pertsonei zuzendutako zerbitzuak; jarduera komertziala izanik, kale eta eremu jakin batean biziberritze ekonomiko eta sozialerako lagungarria izango dena kontsideratzen den bestelako edozein jarduera.
Ekintzaile eta enpresa proiektuaren ezaugarriak: jarduera garatu ahal izateko lokalik jabetzan ez izatea; jarduera garatzeko hutsik dagoen Usurbilgo merkataritza lokal bat alokairuan hartzea; enpresaren langile kopurua gehienez ere 5 izatea...
Informazio gehiago: uztailaren 5eko Gipuzkoako Aldizkari Ofiziala
